नीतिवचनं २९:१-२७
२९ बरंच ताडन दिल्यावरही जो माणूस आपला हट्ट सोडत नाही,+तो अचानक असा चिरडला जाईल, की पुन्हा कधीच उठणार नाही.+
२ नीतिमान पुष्कळ असतात, तेव्हा लोक जल्लोष करतात;पण दुष्ट सत्ता चालवतो, तेव्हा ते कण्हू लागतात.+
३ जो बुद्धीवर प्रेम करतो, त्याच्या वडिलांना त्याच्यामुळे आनंद होतो,+पण जो वेश्‍यांची संगत धरतो, तो आपली संपत्ती उधळून टाकतो.+
४ न्यायामुळे राजा देशात शांती आणतो,+पण लाच घेणारा माणूस देशाचा नाश करतो.
५ शेजाऱ्‍याची खोटी स्तुती करणारा,त्याच्या पायांसाठी जाळं पसरवतो.+
६ वाईट माणूस आपल्या अपराधाच्या पाशात सापडतो,+पण नीतिमान आनंदाने जल्लोष करतो.+
७ नीतिमानाला गरिबांच्या हक्कांची* काळजी असते,+पण दुष्टाला त्यांची काहीच पर्वा नसते.+
८ बढाईखोर लोक नगराला आग लावून देतात,+पण जे बुद्धिमान असतात, ते राग शांत करतात.+
९ बुद्धिमान माणसाने मूर्खाशी वाद घातला,तर आरडाओरड आणि थट्टा होईल, पण तोडगा निघणार नाही.+
१० हिंसक लोक निर्दोष* माणसाचा द्वेष करतात,+आणि सरळ मनाच्या माणसाचा जीव घेऊ पाहतात.*
११ मूर्ख माणूस आपल्या सगळ्या भावना व्यक्‍त करतो,+पण बुद्धिमान माणूस त्यांवर नियंत्रण ठेवून शांत राहतो.+
१२ जेव्हा एखादा शासक खोट्या गोष्टींकडे लक्ष देतो,तेव्हा त्याचे सर्व सेवक दुष्ट होतात.+
१३ गरीब माणूस आणि अत्याचार करणारा यांच्यात एक गोष्ट सारखी आहे:*
दोघांच्याही डोळ्यांना यहोवाच प्रकाश देतो.*
१४ राजा जेव्हा गरिबांचा योग्य न्याय करतो,+तेव्हा त्याचं राजासन कायम टिकून राहतं.+
१५ काठी* आणि ताडन यांमुळे बुद्धी मिळते,+पण मोकाट सोडलेला मुलगा, आपल्या आईला शरमेने खाली पाहायला लावतो.
१६ दुष्ट वाढले की अपराधही वाढतात,पण नीतिमान त्यांचा नाश होताना पाहतील.+
१७ मुलाला शिस्त लाव म्हणजे तुझ्या जिवाला विश्रांती मिळेल;आणि त्याच्यामुळे तू खूप सुखी होशील.*+
१८ देवाकडून मार्गदर्शन* मिळत नाही, तेव्हा लोक अंदाधुंदपणे वागतात,+पण जे कायदा* पाळतात, ते सुखी असतात.+
१९ सेवक शब्दांनी सुधरत नाही,कारण त्याला कळतं, तरी तो आज्ञा पाळत नाही.+
२० बोलण्याची घाई करणारा माणूस तू पाहिला आहेस का?+
त्याच्यापेक्षा मूर्खाला जास्त आशा आहे.+
२१ सेवकाला लहानपणापासून लाडवलंस,तर नंतर तो तुझे उपकार विसरून जाईल.
२२ तापट माणूस वाद सुरू करतो;+जो लगेच रागावतो तो पुष्कळ अपराध करतो.+
२३ गर्विष्ठपणा माणसाला खाली पाडतो,+पण जो नम्र वृत्तीचा असतो, त्याचा गौरव होईल.+
२४ चोराचा साथीदार स्वतःचा* द्वेष करतो,तो साक्ष देण्याची घोषणा* ऐकूनही, काहीच सांगत नाही.+
२५ माणसांची भीती* पाश ठरते,+पण जो यहोवावर भरवसा ठेवतो, तो सुरक्षित राहील.+
२६ शासकाला भेटण्याची* इच्छा बऱ्‍याच लोकांना असते,पण माणसाला न्याय यहोवाकडूनच मिळतो.+
२७ नीतिमानाला दुष्ट माणसाची घृणा येते,+पण दुष्टाला सरळ मार्गाने चालणाऱ्‍याची घृणा वाटते.+
तळटीपा
^ किंवा “कायदेशीर हक्कांची.”
^ किंवा “निरपराध.”
^ किंवा कदाचित, “पण सरळ मनाचा माणूस आपल्या जिवाचं रक्षण करू पाहतो.”
^ शब्दशः “एकत्र भेटतात.”
^ म्हणजे, तो त्यांना जीवन देतो.
^ किंवा “शिस्त; शिक्षा.”
^ किंवा “तुझा जीव खूप सुखी होईल.”
^ शब्दशः “दृष्टान्त.” किंवा “भविष्याबद्दलचा दृष्टान्त; प्रकटीकरण.”
^ किंवा “देवाचं नियमशास्त्र.”
^ किंवा “स्वतःच्या जिवाचा.”
^ किंवा “शाप येण्याबद्दलची शपथ.”
^ किंवा “माणसांपुढे थरथर कापणं.”
^ किंवा कदाचित, “मर्जी मिळवण्याची.”
