स्तोत्रं १४३:१-१२
दावीदचं गीत.
१४३ हे यहोवा, माझी प्रार्थना ऐक;+माझ्या मदतीच्या याचनेकडे लक्ष दे.
तुझ्या विश्‍वासूपणामुळे आणि नीतिमत्त्वामुळे मला उत्तर दे.
२ तुझ्या या सेवकाला तुझ्या न्यायासनापुढे आणू नकोस,कारण कोणीही जिवंत माणूस तुझ्यासमोर नीतिमान ठरू शकत नाही.+
३ शत्रू माझा पाठलाग करतोय;त्याने मला पायांखाली तुडवून धुळीला मिळवलंय.
फार पूर्वी मेलेल्या लोकांसारखं, त्याने मला अंधारात राहायला लावलंय.
४ माझं मन* खचलंय,+माझं हृदय सुन्‍न झालंय.+
५ मला पूर्वीचे दिवस आठवतात;मी तुझ्या सर्व कार्यांवर मनन* करतो;+तुझ्या हाताच्या कार्यांबद्दल मी विचार करतो.
६ मी आपले हात तुझ्यापुढे पसरतो;कोरड्या पडलेल्या जमिनीसारखा, माझा जीव तुझ्यासाठी तहानलेला आहे.+ (सेला )
७ हे यहोवा, माझ्या प्रार्थनेचं लवकर उत्तर दे,+कारण माझी ताकद संपली आहे.+
माझ्यापासून तोंड फिरवू नकोस,+नाहीतर, मीही कबरेत* जाणाऱ्‍यांसारखा होईन.+
८ पहाटे मला तुझ्या एकनिष्ठ प्रेमाबद्दल ऐकू दे,कारण मी तुझ्यावर भरवसा ठेवतो.
ज्या मार्गावर मी चाललं पाहिजे तो मला दाखव,+कारण मी तुझ्याकडे वळतो.
९ हे यहोवा, माझ्या शत्रूंपासून माझी सुटका कर,मी तुझ्या आश्रयाला आलोय.+
१० मला तुझ्या इच्छेप्रमाणे वागायला शिकव,+कारण तू माझा देव आहेस.
तुझी पवित्र शक्‍ती* चांगली आहे;तिने मला सपाट जमिनीवर* न्यावं.
११ हे यहोवा, तुझ्या नावासाठी मला जिवंत ठेव.
तुझ्या नीतिमत्त्वामुळे मला* संकटातून सोडव.+
१२ तुझ्या एकनिष्ठ प्रेमामुळे, माझ्या शत्रूंचा नाश कर;*+माझा* छळ करणाऱ्‍या सर्वांचा नाश कर,+कारण मी तुझा सेवक आहे.+
तळटीपा
^ किंवा “धैर्य.”
^ किंवा “कार्यांचं परीक्षण.”
^ किंवा “खड्ड्यात.”
^ शब्दार्थसूची पाहा.
^ किंवा “सरळपणाच्या देशात.”
^ किंवा “माझा जीव.”
^ शब्दशः “गप्प कर.”
^ किंवा “माझ्या जिवाचा.”
