Proverbji 30:1-33
30 Dan hu l-messaġġ importanti t’Agur it-tifel taʼ Ġaki li qal lil Itijel u Ukal.
2 Jien l-iktar bniedem injorant,U m’iniex kapaċi nifhem bħan-nies l-oħra.
3 Jien ma tgħallimtx inkun għaref,U m’għandix l-għarfien tal-Iktar Wieħed Qaddis.
4 Min telaʼ fis-sema u reġaʼ niżel?
Min ġabar ir-riħ f’idejh it-tnejn?
Min żamm l-ilmijiet fil-ħwejjeġ tiegħu?
Min għamel* it-trufijiet kollha tal-art?
X’jisimhom hu u ibnu? Għidli jekk taf.
5 Kulma jgħid Alla hu pur.*
Hu tarka għal dawk kollha li jistkennu fih.
6 Iżżid xejn maʼ kliemu,Inkella jikkoreġikU toħroġ taʼ giddieb.
7 Alla tiegħi, żewġ affarijiet nitolbok.
Jekk jogħġbok iżżommx lura milli tagħtihomli qabel immut.
8 Għinni biex ma nqarraqx u ma nigdibx.
Tħallinix inkun fqir u lanqas sinjur.
Agħtini l-ikel li għandi bżonn,
9 Għax jekk ikolli kulma rrid, nistaʼ ma nibqax leali u ngħid: “Min hu Ġeħova?”
U tħallinix insir fqir u nibda nisraq u niddiżonora* lil ismek, Alla tiegħi.
10 Uliedi, timmalafamawx qaddej maʼ sidu,Li ma jmurx jisħitkom u tinstabu ħatjin.
11 Hemm grupp taʼ nies* li jisħtu lil missierhom,U ma jbirkux lil ommhom.
12 Hemm grupp taʼ nies li jaħsbu li huma nodfaImma ma tnaddfux mill-ħmieġ tagħhom.
13 Hemm grupp taʼ nies li huma kburin ħafna,U li jmaqdru ħafna lil oħrajn.
14 Hemm grupp taʼ nies li snienhom huma bħax-xwabelU x-xedaq tagħhom bħas-skieken tal-biċċiera;Huma jaħqru lill-batuti tal-artU lill-foqra minn fost in-nies.
15 Is-sangisugi* għandhom żewġt ibniet li jgħajtu: “Agħtini! Agħtini!”
Hemm tliet affarijiet li ma jixbgħu qatt,Erbgħa li qatt ma jgħidu: “Biżżejjed!”
16 Il-Qabar,* mara li ma jistax ikollha tfal,Art mingħajr ilma, u nar li qatt ma jgħid: “Biżżejjed!”
17 Min iwaqqaʼ għaċ-ċajt lil missieru u ma jkunx irid jobdi lil ommu,Iċ-ċawluni tal-wied se jaqilgħulu għajnuU l-frieħ tal-ajkla se jikluha.
18 Hemm tliet affarijiet li huma wisq tal-għaġeb għalijaU erbgħa li ma nifhimhomx:
19 Kif ajkla ttir fis-sema,Kif serp jitkaxkar fuq blata,Kif vapur jivvjaġġa f’baħar miftuħ,U kif raġel iġib ruħu meta jkun maʼ mara.
20 Mara li mhix leali* tiekol, timsaħ ħalqha,Imbagħad tgħid: “M’għamilt xejn ħażin.”
21 Hemm tliet affarijiet li jġiegħlu l-art titriegħed,U erbgħa affarijiet li n-nies ma jifilħux għalihom:
22 Meta lsir imexxi bħala re,Meta iblah ikun mifqugħ bl-ikel,
23 Meta raġel jiżżewweġ mara mibgħuda,*U meta qaddejja tieħu post dik li taħdem għaliha.
24 Hemm erbaʼ affarijiet fuq l-art li għalkemm huma żgħar,Huma għorrief ħafna:*
25 In-nemel mhuwiex b’saħħtu,*Iżda jipprepara l-ikel tiegħu fis-sajf.
26 Il-fniek tad-deżert mhumiex b’saħħithom ħafna,*Iżda huma jagħmlu d-dar tagħhom fil-blat.
27 Il-ġurati m’għandhomx re,Iżda huma joħorġu kollha mqassmin fi gruppi.
28 Il-wiżgħa tistaʼ timxi maʼ ħajt bla ma taqaʼU tidħol fil-palazz taʼ re.
29 Hemm tliet affarijiet li jimxu b’mod impressjonanti,Erbgħa li jiċċaqalqu b’mod impressjonati:
30 L-iljun, l-iktar annimal b’saħħtu,Li ma jaħrab minn ħadd;
31 Il-kelb tal-fenek, il-bodbod,U re li għandu l-armata miegħu.
32 Jekk bi bluha tkabbartJew ippjanajt li tagħmel hekk,Għatti ħalqek u tgħid xejn.
33 Meta tħawwad il-ħalib, joħroġ il-butir,U meta tagħfas imnieħrek, joħroġ id-demm,U bl-istess mod meta ġġiegħel lil ħaddieħor jirrabja, tqajjem il-ġlied.
Noti taʼ taħt
^ Letteralment “tellaʼ.”
^ Jew “irfinut bin-nar.”
^ Jew “nikkritika ħafna.”
^ Letteralment “ġenerazzjoni.”
^ Tip taʼ dudu li jgħix fl-ilma ħelu u li jiġbed id-demm meta jaqbad maʼ xi bniedem jew annimal.
^ Jew “Xeol,” jiġifieri l-qabar komuni tan-nies. Ara Termini tal-Bibbja Spjegati.
^ Letteralment “adultera.”
^ Jew ”mhux maħbuba.”
^ Jew “bl-istint.”
^ Letteralment “mhuwiex poplu b’saħħtu.”
^ Letteralment “mhumiex poplu b’saħħtu.”
