Salm 19:1-14
Lid-direttur. Għanja taʼ David.
19 Is-sema qed ixxandar il-glorja t’AllaU titkellem dwar dak li għamel.
2 Kuljum hi titkellem,U kull lejl ixxandar l-għarfien dwaru.
3 Hi ma tgħidx kelma;Leħinha ma jinstemax.
4 Imma hi tat xhieda* lill-art kollha,U l-messaġġ tagħha wasal sa truf l-art.
Fis-sema hu rama tinda għax-xemx,
5 Li qisha għarus ħiereġ mill-kamra tiegħu;Hi tifraħ bħal raġel b’saħħtu li qed jiġri f’tellieqa.
6 Hi toħroġ minn tarf wieħed tas-semaU tagħmel dawra sħiħa sakemm tiġi fit-tarf l-ieħor;U s-sħana tagħha tilħaq kullimkien.
7 Il-liġi taʼ Ġeħova hi perfetta u terġaʼ tagħti s-saħħa.*
It-tfakkiriet taʼ Ġeħova huma taʼ min jafdahom,Lil min hu bla esperjenza jagħmluh għaref.
8 Ir-regoli taʼ Ġeħova huma ġusti u jferrħu l-qalb;Il-kmandamenti taʼ Ġeħova huma nodfa u jgħinu persuna tifhem.*
9 Ir-rispett kbir għal* Ġeħova hu taʼ benefiċċju u jibqaʼ għal dejjem.
Il-ġudizzji taʼ Ġeħova huma veri u ġusti.
10 Dawn huma mixtiqin iktar mid-deheb, iktar mid-deheb fin,*U iktar ħelwin mill-għasel, saħansitra iktar mill-għasel pur.
11 Permezz tagħhom, int tgħallem lill-qaddej tiegħek jevita dak li hu ħażin;Jekk jobdihom se jiġi ppremjat bil-kbir.
12 Min jistaʼ jinduna bl-iżball tiegħu stess?
Aħfirli d-dnubiet li għamilt bla ma naf.
13 Tħallinix inkun prużuntuż;Tħallix il-prużunzjoni tikkontrollani.
B’hekk, inkun bla ħtijaU innoċenti minn dnubiet serji.*
14 Ġeħova, int il-Blata tiegħi u Dak li Jeħlisni,*Jalla jogħġbok dak li ngħid u nimmedita fuqu.
Noti taʼ taħt
^ Jew forsi “l-ħabel tagħha tal-kejl infirex maʼ.”
^ Jew “terġaʼ tagħti r-ruħ.”
^ Letteralment “idawlu l-għajnejn.”
^ Letteralment “Il-biżaʼ minn.”
^ Jew “irfinut.”
^ Jew “minn ħafna nuqqasijiet.”
^ Jew “Dak li Jifdini.” Ara Termini tal-Bibbja Spjegati.
