Salm 46:1-11
Lid-direttur. Għanja ta’ dawk li jiġu minn Koraħ. Fuq noti għoljin.*
46 Alla hu l-wieħed li jipproteġina u jsaħħaħna.
Hu dejjem jgħinna fi żmien taʼ inkwiet.
2 Għalhekk m’aħniex se nibżgħu, avolja jsiru l-bidliet fid-dinja,Il-muntanji jaqgħu fil-baħar fond,
3 L-ilmijiet jitqallbu u jagħmlu l-istorbju,U l-muntanji jitheżżu minħabba t-taqlib tal-baħar. (Sela)
4 Hemm xmara li l-ilmijiet tagħha jferrħu l-belt t’Alla,It-tabernaklu kbir u qaddis tal-Iktar Għoli.
5 Alla qiegħed fil-belt; ma tistax titwaqqaʼ.
Alla se jmur jgħin lin-nies tagħha filgħodu kmieni.
6 Il-popli qajmu storbju sħiħ, is-saltniet intrebħu;Imma meta Alla tkellem, l-art theżżet.
7 Ġeħova tal-armati qiegħed magħna;L-Alla taʼ Ġakobb hu l-post taʼ protezzjoni* tagħna. (Sela)
8 Ejjew araw x’għamel Ġeħova,L-affarijiet tal-għaġeb li għamel fuq l-art.
9 Hu qed iwaqqaf il-gwerer tad-dinja kollha.
Hu qed jaqsam il-qaws u l-lanza,U jaħraq il-karrijiet tal-gwerra.*
10 “Ċedu, u kunu afu li jien Alla.
Jien se niġi onorat fost il-popli,U onorat mad-dinja kollha.”
11 Ġeħova tal-armati qiegħed magħna;L-Alla taʼ Ġakobb hu post taʼ protezzjoni għalina. (Sela)
Noti taʼ taħt
^ Jew “Fuq Alamot.” Ara Termini tal-Bibbja Spjegati.
^ Jew “il-post fl-għoli taʼ sigurtà.”
^ Jew forsi “t-tarki.”
