Salm 60:1-12
Lid-direttur; fuq l-għanja taʼ “Il-Ġilju tat-Tfakkira.” Miktam* taʼ David biex jintuża għat-tagħlim. Meta David iġġieled kontra Aram-naħarajm u Aram-Soba, u Ġowab mar lura u qatel 12,000 Edomi f’Wied il-Melħ.
60 Alla tagħna, int warrabtna u farraktna.
Int kont irrabjat magħna;Imma issa ilqagħna lura.
2 Int regħedt l-art u qsamtha.
Sewwiha għax qed taqaʼ biċċiet.
3 Int ġegħelt lill-poplu tiegħek ibati.
Int tajtna nixorbu l-inbid li ġegħelna nixxenglu.
4 Agħti* sinjal lil dawk li għandhom rispett kbir lejk,*Biex b’hekk jaħarbu u jevitaw il-vleġġa. (Sela)
5 Eħlisna bil-qawwa tiegħek* u wieġeb it-talba tagħna,Sabiex dawk li int tħobb jiġu salvati.
6 L-Alla l-qaddis qal:*
“Jien se nifraħ meta nagħti lil Sikem bħala wirt,U naqsam u nagħti l-Wied* taʼ Sukkot lil min irrid jien.
7 Gilegħad u Manasse huma tiegħi,Efrajm hu l-elmu* għal rasi,U Ġuda hu l-bastun li juri l-awtorità tiegħi.
8 Mowab hu l-friskatur fejn naħsel saqajja.
Jien se nitfaʼ s-sandli tiegħi fuq Edom.
Jien se ngħajjat bil-ferħ għax se nirbaħ lill-Filistja.”
9 Min se jiħodni lejn il-belt assedjata?*
Min se jmexxini sa Edom?
10 Alla tiegħi, int se tagħtina dik ir-rebħa!
Imma int warrabtnaU mhux qed tmexxi l-armati tagħna.
11 Għinna fi żmien taʼ inkwiet,Għax għalxejn nittamaw li niġu salvati mill-bniedem.
12 Permezz t’Alla, aħna se jkollna s-saħħa,U hu se jgħaffeġ lill-għedewwa tagħna.
Noti taʼ taħt
^ Jew forsi “Int tajt.”
^ Letteralment “jibżgħu minnek.”
^ Letteralment “b’idek il-leminija.”
^ Jew forsi “Alla qal fil-post qaddis tiegħu.”
^ Jew “il-Pjanura l-Baxxa.”
^ Letteralment “il-fortizza.”
^ Jew forsi “ffortifikata.”