Salm 68:1-35
Lid-direttur. Għanja taʼ David.
68 Ħa jaġixxi Alla, ħa jinxterdu l-għedewwa tiegħu,U ħa jaħarbu minn quddiemu dawk li jobogħduh.
2 Keċċihom ’l hemm bħalma r-riħ itajjar id-duħħan;Jalla l-ħżiena jisparixxu minn quddiem AllaBħalma x-xemaʼ tinħall bin-nar.
3 Imma ħa jifirħu l-ġusti;Ħa jifirħu bil-kbir quddiem Alla;Ħa jaqbżu bil-ferħ.
4 Kantaw lil Alla, faħħru bil-kant lil* ismu;Kantaw lil Dak li għaddej mid-deżert.*
Ismu hu Jah!* Ifirħu quddiemu.
5 Mill-post qaddis fejn jgħix,Alla hu missier għall-orfni* u wieħed li jipproteġi* lir-romol.
6 Alla jagħti dar lil min hu waħdu;Jeħles lill-ħabsin u jgħinhom jirnexxu.
Imma dawk taʼ rashom iebsa* jkollhom jgħixu f’art niexfa.
7 Alla tagħna, meta mexxejt* lill-poplu tiegħek,U meta mmarċjajt fid-deżert, (Sela)
8 L-art theżżet;Niżlet ix-xita mis-sema minħabba fik;Alla t’Iżrael, il-Muntanja Sinaj theżżet minħabba fik.
9 Int bgħatt ħafna xita, Alla tagħna;Int saħħaħt il-poplu* tiegħek meta kien għajjien.
10 Huma għexu fit-tined tiegħek;Alla tagħna, int ipprovdejt għall-foqra għax qalbek tajba.
11 Ġeħova jagħti l-kmand;In-nisa li jxandru l-aħbar tajba huma armata kbira.
12 Ir-rejiet u l-armati tagħhom jaħarbu.
Il-mara li tibqaʼ d-dar tirċievi sehem mill-affarijiet tal-għedewwa.
13 Anki jekk ikollkom tgħaddu l-lejl ħdejn ħuġġieġa,*Se jkollkom ħamiema li l-ġwienaħ tagħha huma miksijin bil-fiddaU r-rix tal-ġwienaħ tagħha hu tad-deheb fin.*
14 Meta Dak li Jistaʼ Kollox xerred lir-rejiet fil-pajjiż,Niżlet* il-borra fiż-Żalmon.
15 Il-muntanja tal-Basan hi muntanja t’Alla;Il-muntanja tal-Basan hi muntanja b’ħafna għoljiet.
16 Muntanji bl-għoljiet, għala qed tħarsu b’għiraLejn il-muntanja li Alla għażel* bħala post fejn jgħix?
Ġeħova se jgħix hemmhekk għal dejjem.
17 Alla għandu eluf u eluf ta’ karrijiet tal-gwerra.
Ġeħova mar fil-post qaddis mis-Sinaj.
18 Int tlajt fl-għoli;Ħadt irġiel bħala lsiera;Ħadthom bħala rigali,Iva Jah, Alla tagħna, ħadt anki lil dawk taʼ rashom iebsa sabiex int tgħix fosthom.
19 Ħa jkun imfaħħar Ġeħova, li jġorr it-toqol tagħna kuljum,L-Alla l-veru li jsalvana. (Sela)
20 L-Alla l-veru hu Alla li jsalvana;Ġeħova s-Sid taʼ Kollox* jeħlisna mill-mewt.
21 Alla se jfarrak ras l-għedewwa tiegħu,Ras dawk li jkomplu jidinbu.*
22 Ġeħova qal: “Se nġibhom lura mill-Basan;Se ntellagħhom minn qiegħ il-baħar,
23 Sabiex intom timxu fuq id-demm tagħhom,U l-klieb tagħkom jilagħqu d-demm tal-għedewwa.”
24 Alla tiegħi, in-nies se jaraw il-parata tar-rebħa tal-poplu tiegħek,Il-parata tal-Alla tiegħi, ir-Re tiegħi, li sejra lejn il-post qaddis.
25 Il-kantanti jimxu fuq quddiem,Warajhom it-tfajliet idoqqu t-tanburlini,U mbagħad dawk li jdoqqu l-istrumenti tal-korda.
26 Faħħru lil Alla fil-folol miġburin flimkien;*Faħħru lil Ġeħova, intom li ngħatajtu l-ħajja minn Missier Iżrael.
27 Hemmhekk Benjamin, l-iżgħar wieħed, qed irażżanhom,Anki l-kapijiet taʼ Ġuda bil-folla storbjuża tagħhom,Il-kapijiet taʼ Żebulun, u l-kapijiet taʼ Naftali.
28 L-Alla tagħkom iddeċieda li intom se tkunu b’saħħitkom.
Alla li aġixxejt għalina, uri s-saħħa tiegħek.
29 Ir-rejiet se jġibulek ir-rigaliFit-tempju tiegħek f’Ġerusalemm.
30 Ikkontrolla l-bhejjem slavaġ li jgħixu qalb il-qasab,U l-merħla tal-barrin u ż-żgħar tagħhom,Sakemm in-nies imilu quddiemek u jġibu* biċċiet tal-fidda.
Imma lil dawk li jieħdu pjaċir bil-gwerer xerridhom.
31 Mill-Eġittu se jinġiebu affarijiet tal-bronż;*In-nies taʼ Kus se jħaffu biex jagħtu rigali lil Alla.
32 Saltniet tal-art, kantaw lil Alla,Faħħru bil-kant lil* Ġeħova, (Sela)
33 Il-wieħed li jgħaddi mill-ogħla sema li ilha minn żmien twil ilu.
Il-leħen qawwi tiegħu jinstemaʼ qisu ragħad.
34 Faħħru lil Alla għas-saħħa tiegħu.
Hu se juri l-kobor tiegħu m’IżraelU s-saħħa tiegħu mis-sema.*
35 In-nies għandhom jibżgħu u jirrispettaw lill-Alla li qiegħed fil-post qaddis tiegħu.
Hu l-Alla t’Iżrael, li jagħti s-saħħa u l-qawwa lill-poplu tiegħu.
Ħa jkun imfaħħar Alla.
Noti taʼ taħt
^ Jew “doqqu l-mużika għal.”
^ Jew forsi “fuq is-sħab.”
^ “Jah” hu forma mqassra tal-isem Ġeħova.
^ Letteralment “dawk bla missier.”
^ Letteralment “imħallef.”
^ Jew “ribellużi.”
^ Letteralment “ħriġt quddiem.”
^ Letteralment “il-wirt.”
^ Jew forsi “l-imrieħel.”
^ Jew “tad-deheb aħdar safrani.”
^ Jew “Kien bħallikieku niżlet.”
^ Jew “jixtieq.”
^ Jew “Il-Mulej Sovran Ġeħova.”
^ Letteralment “li jimxu fi ħtijiethom.”
^ Letteralment “fl-assembleat.”
^ Jew forsi “jgħaffġu fuq.”
^ Jew forsi “joħorġu ambaxxaturi.”
^ Jew “Doqqu l-mużika għal.”
^ Letteralment “fis-sħab.”