Salm 7:1-17
-
Ġeħova hu Mħallef ġust
-
“Iġġudikani, Ġeħova” (8)
-
Għanja taʼ swied il-qalb li David kanta lil Ġeħova minħabba dak li qal Kus il-Benjamini.
7 Ġeħova Alla tiegħi, jien dort lejk għall-protezzjoni.
Salvani minn dawk kollha li jippersegwitawni u eħlisni.
2 Inkella jqattgħuni* biċċiet bħalma jagħmel iljun,Ikaxkruni u ma jkun hemm ħadd li jeħlisni.
3 Ġeħova Alla tiegħi, jekk għandi tort,Jekk aġixxejt b’mod inġust,
4 Jekk pattejt bil-ħażin lil min għenni,Jew jekk sraqt lill-għadu tiegħi għalxejn b’xejn,*
5 Ħalli lill-għadu tiegħi jiġri warajja u jilħaqni;*Ħallih jgħaffiġni mal-art sakemm joqtolni,U nitħalla umiljat fit-trab. (Sela)
6 Jekk jogħġbok Ġeħova, aġixxi u uri r-rabja tiegħek;Ħudha kontra l-għedewwa tiegħi li huma rrabjati ħafna,Għinni u ara li ssir ġustizzja.
7 Ħa jinġabru madwarek il-popli,U int taġixxi kontrihom mill-għoli.
8 Ġeħova se jiġġudika lill-popli.
Iġġudikani, Ġeħova, u ftakar li jien tajjeb u bla ħtija.
9 Jekk jogħġbok, waqqaf l-affarijiet ħżiena li qed jagħmlu dawk mill-agħar,Imma ddefendi lit-tajbin,Għax int l-Alla l-ġust li jeżamina x’hemm fil-qalb u s-sentimenti.*
10 Alla hu t-tarka tiegħi, Dak li Jsalva lil min hu onest f’qalbu.
11 Alla hu Mħallef ġustU jikkundanna lill-ħżiena kuljum.
12 Jekk xi ħadd ikompli jagħmel il-ħażin, Alla se jsinn ix-xabla tiegħu;Hu jilwi l-qaws tiegħu u jlestih biex jispara.
13 Hu jaqbad l-armi qerrieda tiegħu;Iqabbad il-vleġeġ tiegħu bin-nar.
14 Hemm wieħed li qed jippjana affarijiet taʼ ħsara;Hu jara kif ħa jaqlaʼ l-problemi u jigdeb.
15 Hu jħaffer ħofra fonda;Imma jaqaʼ fiha hu stess.
16 Il-problemi li jaqlaʼ jiġu fuqu stess;Il-vjolenza tiegħu se tkun taʼ ħsara għalih stess.
17 Se nfaħħar lil Ġeħova għall-ġustizzja tiegħu;Se nfaħħar bil-kant* isem Ġeħova l-Iktar Għoli.
Noti taʼ taħt
^ Jew “iqattgħu ruħi.”
^ Jew forsi “Waqt li ma qtiltx lil dak li ħadha kontrija għalxejn b’xejn.”
^ Jew “jilħaqli ruħi.”
^ Jew “il-kliewi.”
^ Jew “Se ndoqq il-mużika għal.”
