Salm 78:1-72
Maskil* t’Asaf.
78 Poplu tiegħi, ismaʼ l-liġi* tiegħi;Agħti kas* dak li se ngħid.
2 Se nkellimkom bi proverbju;Se ngħid ħaġa moħġaġa taʼ żmien twil ilu.
3 L-affarijiet li smajna u nafu bihom,Li missirijietna rrakkontawlna,
4 Mhux se naħbuhom mit-tfal tagħna.
Se nirrakkontawhom lill-ġenerazzjoni li ġejjaL-affarijiet kbar li għamel Ġeħova bis-saħħa tiegħu,L-affarijiet mill-isbaħ li għamel.
5 Hu ta regola f’ĠakobbU għamel liġi f’Iżrael;Hu kkmanda lil missirijietnaBiex dawn l-affarijiet jgħiduhom lit-tfal tagħhom;
6 Ħalli l-ġenerazzjoni li jmiss,It-tfal li għad iridu jitwieldu, isiru jafu dwarhom.
Imbagħad huma jirrakkontawhom lit-tfal tagħhom.
7 B’hekk huma jkunu jistgħu jafdaw f’Alla,U ma jinsewx dak li għamel,Imma jobdu l-kmandamenti tiegħu.
8 B’hekk, mhux se jkunu bħal missirijiethom,Ġenerazzjoni rasha iebsa u ribelluża,Ġenerazzjoni b’qalb indeċiża*U mhux leali lejn Alla.
9 L-Efrajmin kienu armati bil-qaws,Imma f’jum il-battalja rtiraw.
10 Huma ma żammewx mal-patt t’Alla,U m’obdewx il-Liġi tiegħu.
11 Ukoll, huma nsew dak li kien għamel,Il-mirakli li għamel quddiemhom.
12 Hu għamel mirakli quddiem missirijiethomFl-art tal-Eġittu, ir-reġjun taʼ Sogħan.
13 Hu fired il-baħar biex jgħaddu minnu,Għamel l-ilmijiet bħal ħajt.
14 Matul il-ġurnata mexxiehom permezz taʼ sħabaU matul il-lejl permezz tad-dawl tan-nar.
15 Fid-deżert, hu qasam il-blat,U tahom jixorbu sakemm xebgħu bħallikieku minn ilma fond.
16 Hu ħareġ ilmijiet minn xaqq fil-blatU dawn bdew ħerġin bħal xmajjar.
17 Iżda huma xorta baqgħu jidinbu kontrihBilli rribellaw kontra l-Iktar Għoli fid-deżert.
18 Huma sfidaw* lil Alla appostaBilli bdew jitolbu għal ikel li kienu qed jixxennqu għalih.
19 Għalhekk, huma bdew igergru kontra Alla,Billi qalu: “Kapaċi Alla jagħtina ikel fid-deżert?”
20 Hu ta daqqa fuq blataU ħareġ ħafna ilma.
“Jistaʼ hu jagħtina l-ħobż ukoll,Jew jistaʼ jagħtina l-laħam?”
21 Meta Ġeħova semagħhom, hu rrabja ħafna.
Hu attakka lil Ġakobb bin-narU rrabja bil-kbir kontra Iżrael
22 Għax ma kellhomx fidi fih;Ma fdawx fl-abbiltà tiegħu li jsalvahom.
23 Għalhekk, hu ta kmand lis-sema mimlija sħab,U fetaħ bibien is-sema.
24 Hu baqaʼ jibgħat xita taʼ manna biex jieklu;Tahom il-qamħ tas-sema.
25 In-nies kielu l-ħobż mis-sema;*Hu tahom biżżejjed biex jixbgħu.
26 Qajjem riħ mil-LvantU ġiegħel lir-riħ jonfoħ min-Nofsinhar permezz tal-qawwa tiegħu.
27 Hu bagħtilhom xita taʼ laħam daqs it-trab,Għasafar daqs ir-ramel taʼ xatt il-baħar.
28 Hu waqqagħhom qalb il-kampijiet tagħhom,Madwar it-tined kollha.
29 Huma kielu u ffangaw;Hu tahom dak li xtaqu.
30 Iżda huma xorta riedu iktar,U waqt li kienu għadhom bl-ikel f’ħalqhom,
31 Alla rrabja ħafna magħhom.
Hu qatel l-iktar irġiel b’saħħithom;Qatel l-irġiel żgħażagħ t’Iżrael.
32 Minkejja dan, komplew jidinbu iktarU ma fdawx fl-affarijiet tal-għaġeb li rawh jagħmel.
33 Għalhekk, hu temm il-ħajja tagħhom bħal sempliċi nifs,U ġab gwaj fuqhom f’daqqa u mietu.
34 Imma kull darba li kien jibda joqtol ftit minnhom, huma kienu jfittxuh;Huma kienu jduru lura lejn Alla
35 U jiftakru li kien il-Blata tagħhom,U li l-Alla l-Iktar Għoli kien Dak li Ħelishom.*
36 Imma huma pprovaw iqarrqu bih bi kliemhomU jigdbulu.
37 Qalbhom ma kinitx leali lejh;U ma żammewx mal-patt li għamlu miegħu.
38 Imma hu kien ħanin;Kien jaħfer l-iżball tagħhom u ma jeqridhomx.
Ħafna drabi żamm lura r-rabja tiegħuMinflok ma rrabja għalkollox.
39 Għax hu ftakar li huma sempliċi nies,Bħal riħ li jgħaddi u ma jerġax jiġi.*
40 Min jaf kemm-il darba rribellaw kontrih fix-xagħriU weġġgħuh fid-deżert!
41 Għal darba wara l-oħra, huma għaddew lil Alla minn prova,U weġġgħu* lill-Qaddis t’Iżrael.
42 Huma ma ftakrux fil-qawwa li għandu,*Nesew il-ġurnata li salvahom* mill-għadu,
43 Kif wera s-sinjali tiegħu fl-EġittuU l-mirakli li għamel fir-reġjun taʼ Sogħan.
44 Nesew kif biddel il-kanali tal-ilma tan-Nil f’demmĦalli ma jixorbux minnhom.
45 Hu bagħat fuqhom qtajjaʼ taʼ dubbien li joqros biex iġegħelhom ibatuU żrinġijiet biex jeqridhom.
46 Hu ta l-prodott tal-għelieqi tagħhom lill-ġurati mġewħin;Xogħol idejhom tah lill-qtajjaʼ tal-ġurati.
47 Hu qerdilhom id-dwieliU s-siġar tal-ġummajż* bis-silġ.
48 U bagħat is-silġ fuq l-annimali li jaħdmu bihomU laqat l-imrieħel tagħhom bis-sajjetti.*
49 Hu wera r-rabja, il-korla, u d-dagħdigħa tiegħu lejhom,U bagħtilhom anġli biex jaqilgħulhom l-inkwiet u l-ħsara.
50 Hu ma żammx lura r-rabja tiegħu.
Ma żammx lura milli jikkastigahom,* imma qatilhom;Hu qatilhom bil-pesta.
51 Fl-aħħar, qatel lil kull l-ewwel imwieled tal-Eġittu,L-ewwel uħud li twieldu fit-tined taʼ Ħam.
52 Imbagħad ħareġ lin-nies tiegħu mill-Eġittu,U ggwidahom bħal nagħaġ fid-deżert.
53 Hu mexxiehom u pproteġiehom,U huma ma beżgħux;Il-baħar għatta lill-għedewwa tagħhom.
54 Hu ħadhom fl-art li kien għażel,Ir-reġjun muntanjuż li ħa bil-qawwa tiegħu.*
55 Hu keċċa l-popli minn quddiemhom,Qassmilhom il-wirt li kien ġie mkejjel b’ħabel tal-kejl,U għen lit-tribujiet t’Iżrael jissetiljaw fi djarhom.
56 Imma huma baqgħu jisfidaw* lill-Alla l-Iktar Għoli u jirribellaw kontrih;Ma tawx kas it-tfakkiriet tiegħu.
57 Huma tbiegħdu minnu u kienu tradituri bħal missirijiethom.
Bħal qaws laxk, ma kinux taʼ min jafdahom.
58 Huma komplew iweġġgħuh billi qiemu allat foloz fil-postijiet għall-qima,U ġegħluh jirrabja* ħafna bl-istatwi skolpiti li għamlu.
59 Alla ra dan u rrabja ħafna.
Għalhekk, warrab lil Iżrael għalkollox.
60 Fl-aħħar abbanduna t-tabernaklu f’Silo,It-tinda li kien jgħix fiha fost il-bnedmin.
61 Hu ħalla l-għedewwa jieħdu l-ArkaLi kienet tirrappreżenta l-qawwa u l-glorja tiegħu.
62 Hu ħalla n-nies tiegħu jinqatlu bix-xabla,U rrabja ħafna mal-wirt tiegħu.
63 L-irġiel żgħażagħ tiegħu nħarqu bin-nar,U ma kienx hemm għanjiet tat-tieġ għan-nisa verġni.*
64 Il-qassisin tiegħu nqatlu bix-xabla,U n-nisa tagħhom ma bkewhomx.
65 Imbagħad Ġeħova bħallikieku qam mill-irqad,Bħal raġel b’saħħtu li jqum wara li jkun xorob l-inbid.
66 Imbagħad hu keċċa lill-għedewwa;Iddiżonorahom għal dejjem.
67 Hu warrab lil dawk li jiġu minn Ġużeppi;M’għażilx it-tribù t’Efrajm.
68 Imma għażel lit-tribù taʼ Ġuda,Il-Muntanja Sijon, li jħobb.
69 Hu għamel is-santwarju tiegħu sod bħas-sema,*Bħad-dinja li ħalaqha biex tibqaʼ għal dejjem.
70 Hu għażel lill-qaddej tiegħu DavidU ħadu minn qalb in-nagħaġ,
71 Minn qalb in-nagħaġ bil-frieħ.
Hu għamlu ragħaj fuq Ġakobb, il-poplu tiegħu,U fuq Iżrael, il-wirt tiegħu.
72 Hu ħa ħsiebhom bħal ragħaj b’qalbu kollha,U mexxiehom bis-sengħa.
Noti taʼ taħt
^ Jew “l-istruzzjoni.”
^ Letteralment “Mejjel widintek għal.”
^ Letteralment “mhux ippreparata.”
^ Letteralment “għaddew minn prova.”
^ Letteralment “il-ħobż taʼ dawk b’saħħithom.”
^ Jew “Dak li Fdiehom.” Ara Termini tal-Bibbja Spjegati.
^ Jew forsi “Li l-ispirtu joħroġ u ma jerġax lura.”
^ Jew “nikktu.”
^ Letteralment “f’idu.”
^ Letteralment “fdiehom.” Ara Termini tal-Bibbja Spjegati.
^ Tip taʼ siġar tat-tin.
^ Jew forsi “b’deni qawwi.”
^ Jew “jikkastiga lil ruħhom.”
^ Letteralment “b’idu l-leminija.”
^ Letteralment “jgħaddu minn prova.”
^ Jew “jgħir.”
^ Letteralment “U l-verġni tiegħu ma ġewx imfaħħrin.”
^ Letteralment “Hu bena s-santwarju tiegħu bħall-għoljiet.”
