Salm 95:1-11
95 Ejjew ngħajtu bil-ferħ lil Ġeħova!
Ejja ngħajtu bil-ferħ u nfaħħru lill-Blata tagħna li ssalvana.
2 Ejja mmorru quddiemu u nirringrazzjawh;Ejja ngħajtu bil-ferħ u nfaħħruh bil-kant.
3 Għax Ġeħova hu Alla kbir,Re kbir fuq l-allat l-oħrajn kollha.
4 Hu għandu kontroll fuq l-art kollha,Mill-iktar parti fonda sal-qċaċet tal-muntanji.
5 Il-baħar li għamel hu tiegħu,U b’idejh ifforma l-art.
6 Ejja nqimuh u mmilu quddiemu;Ejja ninżlu għarkopptejna quddiem Ġeħova, Dak li Għamilna.
7 Għax hu l-Alla tagħna, u aħna l-poplu tiegħu.
Hu jieħu ħsiebna bħal merħla nagħaġ.
Mank tisimgħu minnu llum! Hu qal:
8 “Twebbsux raskom bħalma għamlu missirijietkom f’Meriba,*Bħalma għamlu fid-deżert taʼ Massah,*
9 Meta għaddewni minn prova;Huma sfidawni, minkejja li kienu raw dak li għamilt.
10 Għal 40 sena ħassejt mibegħda lejn din il-ġenerazzjoni, u għedt:
‘Dawn in-nies huma rashom iebsa u dejjem jagħmlu li tixtieq qalbhom;Huma ma jobdux dak li ngħidilhom.’
11 Għalhekk ħlift waqt li kont irrabjat:
‘Huma mhux se jidħlu fil-mistrieħ tiegħi.’”
