MILJUNI taʼ Kristjani għażlu ma jiċċelebrawx il-​Milied. Huma kif iħossuhom? Huma u t-​tfal tagħhom iħossu li qed jitilfu xi ħaġa? Ara x’jgħidu x-​Xhieda taʼ Ġeħova madwar id-​dinja.

Jiftakru f’Ġesù: “Qabel sirt Xhud taʼ Ġeħova, bilkemm kont immur il-​knisja. Jekk immur, kien ikun fil-​Milied jew l-​Għid. U anki f’dawk iż-​żminijiet ma kontx naħseb f’Ġesù. Jien m’għadniex niċċelebra l-​Milied, imma darbtejn fil-​ġimgħa mmur il-​laqgħat Kristjani u ngħallem lil oħrajn dwar Ġesù mill-​Bibbja!”​—EVE, L-​AWSTRALJA.

Jieħdu pjaċir jagħtu lil oħrajn: “Jien nieħu pjaċir meta n-​nies ituni rigal meta ma nkunx qed nistennieh. Jien nieħu pjaċir nagħmel il-​cards u npinġi l-​istampi biex intihom lil oħrajn. Dan jagħmilhom ferħanin u anki lili.”​—REUBEN, L-​IRLANDA TAʼ FUQ.

Jgħinu lil min għandu bżonn: “Aħna nieħdu pjaċir insajru lin-​nies li ma jifilħux. Ġieli niħdulhom il-​fjuri, kejk, jew rigal żgħir biex nagħmluhom ferħanin. Aħna nieħdu pjaċir għax nistgħu ngħinuhom is-​sena kollha.”​—EMILY, L-​AWSTRALJA.

Iqattgħu iżjed ħin mal-​familja: “Meta l-​familja tiltaqaʼ flimkien, it-​tfal jieħdu pjaċir ikunu maz-​zijiet, in-​nanniet, u l-​kuġini. Peress li ma niltaqgħux f’ċerti ġranet biss, aħna ma nħossuniex stressjati, u l-​familja jafu li aħna mmorru narawhom għax inħobbuhom.”​—WENDY, IL-​GŻEJJER CAYMAN.

Għandhom il-​paċi: “Fi żmien il-​Milied, tant ikun hemm x’tagħmel li ftit nies jaħsbu dwar il-​paċi. Jien inħossni fil-​paċi għax tgħallimt xi twiegħed il-​Bibbja għan-​nies. Jien naf li t-​tfal tiegħi se jkollhom futur sabiħ.”​—SANDRA, SPANJA.