ဒီစကားတွေဟာ နိုးလော့! ရဲ့ စစ်တမ်းကောက်ယူမှုကို တုံ့ပြန်ခဲ့တဲ့ ကမ္ဘာတစ်ဝန်းက ကြင်ဖော်မဲ့မိဘတွေရဲ့ ဖော်ပြချက်တွေထဲက နမူနာတွေသာ ဖြစ်ပါတယ်။ အများအားဖြင့် မိခင်တွေဖြစ်ကြတဲ့ ကြင်ဖော်မဲ့မိဘများစွာဟာ သူတို့ကို ထောက်ကူတဲ့ကြင်ဖော် ရှိရင်ကောင်းမှာပဲလို့ ဆိုကြတယ်။ * ဒါပေမဲ့ သူတို့ရဲ့ ပွင့်လင်းတဲ့ဖော်ပြချက်တွေအရ ဖြစ်လာတဲ့အခြေအနေနဲ့ လိုက်လျောညီထွေအောင် သူတို့လုပ်နိုင်တယ်ဆိုတာ သိရတယ်။

အခြေအနေနဲ့အညီ လိုက်လျောညီထွေနေဖို့နဲ့ သူတို့ရဲ့ ခက်ခဲတဲ့တာဝန်ကို ကျေပွန်နိုင်ဖို့ ဘာက ထောက်ကူပေးခဲ့သလဲ။ သူတို့ရဲ့ လက်တွေ့ကျပြီး ရိုးသားတဲ့ ဖော်ပြချက်တွေနဲ့ သူတို့ကို ထောက်ကူပေးခဲ့တဲ့ အဓိကမူတချို့ကို နောက်ဆောင်းပါးတွေမှာ သုံးသပ်ပါမယ်။ သင်ဟာ ကြင်ဖော်မဲ့မိဘဖြစ်မယ်ဆိုရင် အလျင်အမြန် ပြောင်းလဲနေပြီး မရေရာမသေချာတဲ့ ဒီလောကမှာ ဒီတာဝန်ဟာ တော်တော်လေး ခက်ခဲမယ်ဆိုတာ သေချာပါတယ်။ ခက်ခဲတဲ့ သင့်တာဝန်ကို ကျေပွန်ဖို့သာ မဟုတ်ဘဲ ပျော်ပျော်ရွှင်ရွှင် ကျေကျေနပ်နပ် လုပ်ဆောင်နိုင်ဖို့ ဒီဆောင်းပါးတွေက သင့်ကို ကူညီပေးနိုင်လိမ့်မယ်လို့ မျှော်လင့်ပါတယ်။ *

ဆောင်းပါးတွေက အောက်ပါကဏ္ဍခြောက်ခုကို ဆွေးနွေးပါမယ်–

1. ၁။ အကူအညီရယူနိုင်ပုံ

2. ၂။ ကလေးတွေနဲ့ ပြောဆိုဆက်သွယ်မှုကောင်း ရှိနိုင်ပုံ

3. ၃။ ဦးစားထားသင့်ရာကို သတ်မှတ်နိုင်ပုံ

4. ၄။ အမူအကျင့်နဲ့ပတ်သက်ပြီး ပြတ်သားတဲ့ စည်းမျဉ်းတွေ ချမှတ်နိုင်ပုံ

5. ၅။ အကျိုးပြုတဲ့စံနှုန်းတွေ ရွေးချယ်နိုင်ပုံ

6. ၆။ မိသားစုမှာ ဘုရားသခင်ကိုပါ ပါဝင်စေနိုင်ပုံ