“Tlakamej [o maseualmej] kampa ueli ipan Tlaltipaktli mokauaj ipan ichikaualis Axkualtlakatl [Satanás]” (1 Juan 5:19, Itlajtol Toteco Náhuatl de la Huasteca Oriental).

“Yeka ualajki iKone toTeko ipan ni Tlaltipaktli para kixoleuas iteki Axkualtlakatl [Satanás]” (1 Juan 3:8).

Tijmatis kenke onka miak kuesoli ipan Tlaltipaktli (Apocalipsis 12:12).

Timotemachis onkas tlen kuali teipa ipan Tlaltipaktli (1 Juan 2:17).

Kena, ma tikitakaj kenke:

• Satanás amo uejkauas tlanauatijtos. Jehová mosentlalijtok ayokmo kikauas Satanás ma tlanauati ipan Tlaltipaktli. ToTeotsij kiijtojtok ‘kixoleuas ichikaualis Satanás’ uan kipatlas nochi nopa amo kuali tlamantli katli kichijtok (Hebreos 2:14).

• ToTeotsij kitlalijtok ma tlanauati Jesucristo. Jesús kena se kuali Tlanauatijketl, amo kej Satanás katli kichiua tlen tlauel amo kuali. Biblia kiijtoua kema Cristo tlanauatis “kintlasojtlas tlen axkipiaj chikaualistli uan tlen teikneltsitsij [...]. Kinmanauis para axkintlaijiyouiltisej uan para axkinteuisej” (Salmo 72:13, 14).

• ToTeotsij amo istlakati. Biblia kiijtoua: “ToTeko axueli istlakati” (Hebreos 6:18). Yeka kema Jehová kiijtoua kichiuas se tlenijki, uelis timotemachisej nelia kichiuas (Isaías 55:10, 11). Nojkia kiijtojtok: “Nijkixtilis itekiuejkayo Axkualtlakatl [Satanás] tlen tlanauatia ipan ni Tlaltipaktli” (Juan 12:31).