Maseualmej uejkajkia pejkej kinueyichiuaj teotsitsij. Maske kiampa momajtokej kichiuaj, Biblia kiijtoua itstok san setsi Teotsij katli tlauel ueyi uan amo kej sekinok (2 Crónicas 2:5). ¿Ajkia eli? ¿Kenke amo sanse kej nopa teotsitsij katli maseualmej kinueyichiuaj? Ipan ni tlamachtili tikitasej toTeotsij kineki xikixmati.

1. ¿Kenijkatsa itoka toTeotsij, uan kenke tijmatij kineki ma tijmatikaj itoka?

ToTeotsij kineki ma tikixmatikaj, yeka ipan Biblia ya kiijtoua: “Na ni Jehová. Ya ni notoka” (xijpoua Isaías 42:5, 8, TNM). Nopa tokajyotl “Jehová” mokixtijtok ipan tlajtoli hebreo uan miakej ixtlamatinij kiijtouaj kiijtosneki “Ya Kichiua ma Mochiua”. Jehová kineki ma tijmatikaj itoka (Éxodo 3:15). ¿Kenke kiampa tikijtouaj? Pampa ya kichijki ipan Biblia ma moijkuilo itoka kipano 7,000 imiakpa. a ToTeotsij itoka eli Jehová katli “nelnelia Dios ipan Tlaltipaktli uan ipan iluikaktli uan axaka seyok” (Deuteronomio 4:39).

2. ¿Tlake techmachtia Biblia tlen Jehová?

Maske miakej maseualmej kinueyichiuaj miakej teotsitsij, Biblia kiijtoua san Jehová eli toTeotsij katli melauak. Ma tikitakaj kenke kiampa kiijtoua. San Jehová kinamiki kinauatis nochi tlen onka pampa san ya tlauel ueyi “ipan nochi Tlaltipaktli” (xijpoua Salmo 83:18, TNM). Ya “Kipia Nochi Chikaualistli” nopa kiijtosneki ueli kichiua nochi tlen ya kineki. Ya nojkia kichijchijki “nochi tlen onka” ipan iluikaktli uan ipan Tlaltipaktli (Apocalipsis 4:8, 11). San Jehová amo kipixki ipejya uan amo kema mikis (Salmo 90:2).

 4. Jehová kineki xijmati uan xijtekiui itoka

5. Jehová kineki ximouampojchiua iuaya

 TLEN TIMOMACHTIJKEJ

ToTeotsij itoka Jehová. Ya kineki ma tijmatikaj nopa tokajyotl uan ma tijtekiuikaj, kiampa uelis timouampojchiuasej iuaya.

¿Tlake tijyekok?

• ¿Kenke Jehová amo sanse ika nopa teotsitsij tlen kinueyichiuaj maseualmej?

• ¿Kenke moneki tijtekiuisej toTeotsij itoka?

• ¿Kineki Jehová ximouampojchiua iuaya? ¿Kenke kiampa timoiljuia?