Katli tijtekipanouaj Jehová nochipa tiauij kampa timosentiliaj maske moneki tinejnemisej kampa tlaouijka, kema tlauel tona o tlauel uetsi atl. Uajka maske tijpiaj tlaouijkayotl o tikuatitokej, ¿kenke nochipa tijchiuaj kampeka timonechikosej ininuaya toikniuaj?

Techpaleuia kuali ma tiitstokaj. Nopa apóstol Pablo kimatiyaya moneki ma timonechikokaj, yeka kiijtok: “Ma tijtemokaj kejatsa timosemakasej [o timoyolchikauasej]” (Hebreos 10:24). Ika ni tlajtoli apóstol Pablo techtlajtolmakak ma tikinixmatikaj toikniuaj uan ma timotekipachokaj ika tlen kinpano. Kema tikinixmatij sekinok toikniuaj ipan tlanechikoli, tijmatij tlake kinpaleuijtok kiijiyouisej tlaouijkayotl. Ni techpaleuia ma tijmatikaj tlake tijchiuasej tojuantij.

Techpaleuia kuali ma timouikakaj nochipa. Katli ininuaya timonechikouaj amo san tikinixmatij, nojkia kuali timouampojchijtokej. Kemantika nojkia timoyolpakiltiaj sansejko. Ni techpaleuia tlauel ma timopatiitakaj uan kichiua nojua tlauel ma timoiknelijtiakaj. Yeka kema toikniuaj kipiaj kuesoli, nima tikinpaleuiaj pampa tlauel kuali timouampojchijtokej (Proverbios 17:17). Uajka kema tijchiuaj kampeka kuali timouikasej ininuaya nochi toikniuaj ipan tlanechikoli tijnextiaj nochi timoikneliaj (1 Corintios 12:25, 26).

Ximouampojchiua ininuaya katli kichiuaj tlen toTeotsij kineki. Ta uelis kuali timouikas ininuaya Jehová itlajtoltemakauaj pampa inijuantij kej nopa kichiuaj. Yeka, amo tleno xijkaua ma mitstsakuili timonechikos ininuaya.

• ¿Kenke techpaleuis tlaj timonechikosej ininuaya toikniuaj?

• ¿Kema mitspaktiskia tikinixmatis toikniuaj katli monechikouaj touaya?