ToTeotsij mitsiknelia uan kineki mitsteochiuas
¿Mitspaktiskia tiitstos kampa amo onka tlauilankayotl yon kualantli?
¿Tijnekiskia ayokmo ma onka kokolistli, tlaijiyouilistli yon mikilistli?
¿Tijnekiskia ayokmo timokuesos yon tlauel timotekipachos?
¿Mitspaktiskia tiitstos kampa ayokmo tleno mitstlasojsoljuilis?
Nochi ni tlamantli nelia mochiuas pampa toTeotsij katli kichijchijki ni yejyektsi Tlaltipaktli tlauel techiknelia. Uan ya kiijtojtok uelis tiitstosej nochipa ika pakilistli uan tlaseuilistli.
Ipan ni pilamochtsi tikitas kenijkatsa monankilia ni tlajtlanili:
¿Nelnelia techiknelia toTeotsij?
¿Tlake techmachtia toTeotsij iTlajtol?
¿Tlake kiijtojkej tlajtolpanextianij ika tlen toTeotsij kitenkajtok kichiuas?
¿Kenijkatsa toTeotsij techpaleuia ma tiyolpakikaj ipan ni tonali uan nojkia teipa?
Ma tikitakaj se keski tlamantli tlen kinextia toTeotsij nelnelia techiknelia.
