¿Tlake mitspaleuis ipan ni tonali tlen tlauel ouij?
¿Tijmati tlauel titlaijiyouia pampa nama pano miak tlamantli tlen amo kuali? ¿Pano se keski tlen ni tlamantli kampa tiitstok?
Tlauilankayotl
Uejueyi kokolistli
Tetlasojsoljuilia se tlenijki
Amo kipiaj tlen ika mopanoltisej
Techikoitaj
Tlachtekij uan temiktiaj
Kema pano tlen amo kuali, miakej maseualmej amo kimatij tlake kichiuasej uan san mosentlaliaj ipan nopa tlamantli. Uan sekij ayokmo kimatij tlake nelnelia kiyolmatij. Tlaj se akajya uejkaua kiampa itstok, uelis kipanos tlen amo kuali.
Ipan ni tonali tlen tlauel ouij, moneki ma tikitakaj tlake techpaleuis amo ma timokokokaj, kuali ma tijtekiuikaj tomij, kuali ma tikinmokuitlauikaj katli tikinikneliaj uan ma tikitakaj tlake techpaleuis ma tiyolpakikaj.
¿Tlake uelis tijchiuas uan kiampa amo tlauel timokuesos pampa onka miak kuesoli uan mopatlatok miak tlamantli?
