TELPOKAMEJ
11. Amo xitlatsiui
¿TLAKE KIIJTOSNEKI?
Se akajya katli amo tlatsiui kichiua tlen ueli tekitl, kipaktia tekitis, mokouia tlen kipoloua uan kinpaleuia sekinok maske nopa tekitl tlen kipia amo tlauel kipatiitaj.
¿KENKE TLAUEL MONEKI?
Maske uelis amo techpaktia, nochi moneki titekitisej. Nojkia, ipan ni tonali maseualmej tlauel kuali kiitaj kema se akajya amo tlatsiui pampa nama miakej amo kinpaktia kichiuasej se tekitl tlen ouij (Eclesiastés 3:13).
“Kema tlauel nitekiti niyolpaki uan kuali nijyolmati, nopa nechpaleuia nojua tlauel ma nechpakti nitekitis. Nojkia, sekinok kuali mitsitasej tlaj kiitasej amo titlatsiui” (Reyon).
TLEN BIBLIA TETLAJTOLMAKA: “Tlen tekitij kuali kiselisej inintlaxtlauil” (Proverbios 14:23).
¿TLAKE UELISKIA TIJCHIUAS?
Tlen namantsi tikitasej mitspaleuis tijnekis titekitis.
Ximomachti kuali titekitis. Kema titekitis, tijchiuas motarea o se keski tlamantli ipan mochaj, ximosentlali ipan tlen tijchiua. Tlaj ya tijmati kenijkatsa tijchiuas se tekitl, ximoiljui kenijkatsa nima tijtlamiltis uan nojua kuali tijchiuas. Tlauel tiyolpakis tlaj nojua kuali tijchiuas se tekitl.
TLEN BIBLIA TETLAJTOLMAKA: “Se tlakatl tlen kuali kimati iteki uan kichiua ika nochi iyolo, yajaya kintekipanos tlanauatianij. Axsan kintekipanos tlen ueli tlakamej” (Proverbios 22:29).
Ximoiljui ipan sekinok. Kema tijchiua tlen mitsiljuijkej, nojkia kinpaleuia sekinok. Ximoiljui kenijkatsa kinpaleuia mochampoyouaj kema tijchiua tlen mitsiljuiaj ipan mochaj.
TLEN BIBLIA TETLAJTOLMAKA: “Más pakilistli kiselia tlen temaka se tlenijki, uan axkeja tlen kiselia” (Hechos 20:35).
Amo ximoiljui amo kinamiki tlauel titekitis. Xijchiua sekinok tlamantli uan amo san tlen mitsiljuiaj. Kiampa amo monekis nochipa mitsiljuijtosej tlake tijchiuas. Maske monekis nojua tlauel titekitis, tijchiuas pampa ta tijnekis uan amo pampa sekinok mitschiualtiaj (Mateo 5:41).
TLEN BIBLIA TETLAJTOLMAKA: “Ika mopakilis xijchiua tlen tikita kuali para tijchiuas” (Filemón 14).
Amo san ximosentlali titekitis. Amo titlatsiuis amo kiijtosneki nochipa titekitis, yeka amo san ximosentlali titekitis nojkia ximosiajketsa.
TLEN BIBLIA TETLAJTOLMAKA: “Tlauel kuali tlaj timosiajketsas se kentsi uan amo tlaj tlauel titekitis pampa san tlapik” (Eclesiastés 4:6, TNM).
Tlen nojkia mitspaktis tikitas
TLEN TEMATILTIA
¿Kenijkatsa uelis tiyolpakis kema tlauel titekitis?
Xikita kenijkatsa tlen Biblia tetlajtolmaka mitspaleuis xiyolpaki ika moteki.
¡XITLACHIXTOKAJ!
¿Kenijkatsa uelis kuali tijtekiuis tonali?
Tlaj tijneki kuali tijtekiuis tonali, moneki tijchiuas se keski tlamantli. Xikita tlake mitspaleuis.
