Maske nopa tlajtoli Regla de Oro amo nesi ipan Biblia, miakej maseualmej kitekiuiaj pampa moiljuiaj ya nopa tlamachtik Jesús. Ipan Sermón del Monte o Sermón de la Montaña, Jesús kiijtok: “Xikinchiuilikaj sekinok, iuikal keja inkinekij sekinok ma inmechchiuilikaj” (Mateo 7:12; Lucas 6:31). Nopa Regla de Oro nojkia kiixtomaj kej ni: “Xikinchiuilikaj sekinok tlen inmechpaktiskia ma inmechchiuilikaj” (Encyclopedia of Philosophy).

•  ¿Tlake techyololinia ma tijchiuakaj?

•  ¿Kenijkatsa techpaleuia?

•  ¿Kiijtosneki titemakas se tlamantli pampa nojkia tijneki tijselis?

•  ¿Kenijkatsa uelis nijchiuas ipan nonemilis?

 Nopa Regla de Oro techyololinia ma tikinchiuilikaj sekinok kej tojuantij techpaktiskia ma techchiuilikaj. Tojuantij techpaktia ma techtlepanitakaj uan ma technojnotsakaj ika yamanik tlajtoli uan ika tlaiknelili. Yeka, tojuantij moneki achtoui kiampa tijchiuasej (Lucas 6:31).

 Nopa Regla de Oro techpaleuia ipan miak tlamantli. Se neskayotl:

•   Techpaleuia kuali ma tiitstokaj iuaya toueue o tosiua (Efesios 5:28, 33).

•   Kinpaleuia tetajmej kuali ma kiniskaltikaj ininkoneuaj (Efesios 6:4).

•   Techpaleuia kuali ma timouikakaj ininuaya touampoyouaj, tokalnechkauaj uan katli ininuaya titekitij (Proverbios 3:27, 28; Colosenses 3:13).

 Tlen kiijtoua nopa Regla de Oro eli sanse ika tlen kiijtoua nopa Antiguo Testamento. Jesús kiijtok nopa Regla de Oro eli se kentsi tlen nochi “iTlanauatiljuaj Moisés [nopa achtoui makuili pilamochtsitsij tlen Biblia] uan iteokamanalojkauaj toTeko [tlen kiijkuilojkej tlajtolpanextianij]” (Mateo 7:12). Uajka, nopa Regla de Oro techmachtia se tlamantli tlen nojkia moijtoua ipan Antiguo Testamento: ma tikiniknelikaj sekinok (Romanos 13:8-10).

 Amo, pampa nopa Regla de Oro san kiijtosneki kema se akajya temaka se tlenijki. Kema Jesús kiijtok nopa tlajtoli kamanaltitoya kenijkatsa moneki tikinchiuilisej tlen kuali tokualankaitakauaj uan amo san katli kuali techitaj (Lucas 6:27-31, 35). Yeka, nopa Regla de Oro techiljuia ma tikinchiuilikaj tlen kuali nochi maseualmej.

1.  1. Kuali xitlachixto. Xikita tlen kinpano sekinok. Uelis tikitas se akajya tlauel tlauijuika uan moneki ma kipaleuikaj. Nojkia uelis mitsiljuisej se mokalnechka mokokoua uan itstok hospital o se katli iuaya titekiti moyolkuesoua. Biblia kiijtoua: “Amo san ximoiljuikaj tlen tlamantli tlen inmechpaleuis. Nojkia ximoiljuikaj tlen kinpaleuis sekinok”. Tlaj timoiljuis ipan tlen kiijtoua ni texto, tijmatis kenijkatsa tikinpaleuis sekinok (Filipenses 2:4).

2.  2. Xijkuamachili tlen sekinok kiyolmatij. Ximoiljui kenijkatsa tijyolmatiskia tlaj mitspanoskia nopa kuesoli tlen kinpano sekinok (Romanos 12:15). Tlaj tijchiuas kampeka tijkuamachilis tlen kinpano sekinok, tijnekis tikinpaleuis.

3.  3. Ma tijtlepanitakaj tlen sekinok kiyolmatij. Xikilnamiki amo sanse tijyolmatij. Tlen ta mitspaleuia, uelis amo kinpaleuis sekinok. Yeka, maske tijnekiskia tijpaleuis nopa maseuali kej ta timoiljuijtok, san xijchiua tlen ya moiljuia kipaleuis (1 Corintios 10:24).