Kitemouiaj kuatinij tlen robles uan arces uan kitojkej kipano 1,400 kuatinij.

Katli tekitikej ipan Warwick kiilnamijkej Cristo imikilis uan mosentilijkej 384 maseualmej. Ipan nochi Tlaltipaktli sejse xiuitl Jehová itlajtoltemakauaj kiilnamikij Cristo imikilis.

Kuaximanij kitlaliaj ventanas ipan nopa caseta kampa kinselisej maseualmej. Nopona kitlachilisej ajkia inijuantij asij ipan Betel, tlamokuitlauisej uan nojkia kitlachilisej nopa carros tlen kalakij uan katli kisaj.

Se tetaj iuaya ikone kitlaliaj alfombra kampa panoj, ipan segundo piso. Kitekiuijkej alfombras katli amo uejueyi kiampa ueliskiaj nima kipatlasej tlaj monekis.

Kuaximanij kiyaualtsakuaj oficinas ika tlamantli tlen uelis kiijkuenisej. Kiampa tlaj monekis, uelis kiueyilisej se oficina.

Se tlen Jehová itlajtoltemakauaj kikualchijchiua nopa baños tlen eltos nechka kampa kinselisej katli paxalotij Betel. Achtoui kichijkej nopa tekitl uan teipa kitlalikej nochi sekinok tlamantli tlen monekis ipan baños.

Se Equipo de Emergencias, momachtiaj kenijkatsa kiseuisej tlitl. Tlen kichiuaj, kinpaleuia nopa bomberos katli itstokej ipan Betel nimantsi ma tlapaleuikaj tlaj monekis. Kiampa katli kimokuitlauiaj nopa altepetl amo kipiasej miak tekitl.

Se telpokatl kiniljuia kanke moseuisej katli tlapaleuiaj ipan Warwick uan kichiua kema ayamo peua nopa tlamachtili tlen moixtoma ijnalok ipan Betel.

Se siuatl katli tekiti kej kuaxinketl, kitekiuia se nivel láser kiampa kitlalia se letrero tlen kinpaleuis katli nopaya itstosej uan katli paxalotij ipan Betel. Onkas kipano 2,500 letreros.

Se tosiuaikni kitlalia se pasamanos. Nopa yoyomitl tlen kisojtok, kipaleuia amo ma tlalemeni.

Se katli tekiti ipan Departamento de Paredes y Techos tekiti kampa panosej katli kiitatij nopa exposición “Un modelo de fe en acción”; onka eyi exposiciones kampa maseualmej uelis yasej ininseltitsitsij. Nopa tlaixkopinkayomej kinextiaj tlake tlauel pankisa ipan sejse exposición.

Se keskij tekitinij kikualtlaliaj nopa piso ika se tlamantli tlen kipaleuis tlauel ma uejkaua, amo ma tlatski tlaltejpoktli yon ma nesi kampa panosej carros. Kiampa amo ouij kipajpakasej.

Se keskij kuaximanij kiixtsakuaj nopa recepción ika fibra de vidrio, kiampa kalijtik tlatlanestos.

Se tlakatl iuaya isiua kitlatskiltiaj piso kampa kitlalijtokej nopa exposición “Biblia uan toTeotsij itoka”.

Se tosiuaikni katli tekiti kej kuaxinketl kitlalia sillas kampa mosentilisej. Nopaya uelis mosentilisej 1,018 betelitas kema momachtisej ika pilamochtsi Tlen Tematiltia uan kema mopanoltis sekinok tlamachtili.

Se keskij tekitinij kitlaliaj se letrero kampa asisej katli paxalotij; nopa letrero kipias tlauili.

Omej tosiuaikniuaj kinuikiliaj atl nochi katli tekitij. Nochipa kinilnamikiliyayaj monekiyaya atlisej, uan tlauel kiniljuiyayaj nopa kema chikauak tonayaya.

Se kuaxinketl kitlalia vitrinas kampa kitlalisej nopa biblias tlen nesis ipan nopa exposición “Biblia uan toTeotsij itoka”. Ajachika kipatlatiasej nopa biblias uan nopa sekinok tlamantli tlen kitlalisej ipan nopa exposición.

Ika se tepostli tlen kinextia se tlaixkopinkayotl, se tekitiketl kitlatskiltia sekij tlamantli tlen kinextis kanke mokaua Australia uan nopa islas del sureste asiático. Ipan nopa tepamitl tlen eltos kampa asij tepaxalouanij, nesis nopa tokajyotl Jehová itlajtoltemakauaj ipan 700 tlajtoli.

Se keskij betelitas itstokej kampa kiniljuiaj kenijkatsa kichiuasej se keski tlamantli. Kinsentilijkej pampa kinekiyayaj kinselisej katli itstoskiaj ipan Warwick. Nojkia kiniljuijkej kenijkatsa ueliskiaj momokuitlauisej.

Se keskij tekitinij kiuiyoniaj nopa tepostli kampa tlatskitos nopa anillo tlen kitlauilis nopa mesa kampa moseuis katli kiixtomas nopa tlamachtili ipan JW Broadcasting. Nochi tlen nopaya motekiuik, kiualikakej tlen Brooklyn, kampa achtouia eltoya.

Se electricista kitlalia nopa cartel tlen tlauijtos ika focos LED uan ni kitlalisej kampa nochi onkalakij. Miakej katli tekitisej ipan se keskij departamentos kipeualtisej ininteki ipan septiembre 1 ipan Warwick.