Tein ika tajtoua amatajkuilolmej tein kipia Biblia
Nejin videos techmatiltiaj tein mochiujtoya itech tonalmej keman moijkuiloj sejse amatajkuilol uan toni ika tajtoua. Xikonkui keman tikonixtajtoltis uan tionmomachtis Biblia uan ijkon okachi mitsonyolpaktis.
Tein ika tajtoua amatajkuilol Génesis
Itech amatajkuilol Génesis moijtoua kani tiualeujkej, keyej titajyouiaj uan keyej timomikiliaj.
Tein ika tajtoua amatajkuilol Éxodo
Xikonita keniuj Dios kinmakixtij israelitas ompa Egipto porin katkaj takeualmej uan kichiuak maj mochiuanij ixolal.
Tein ika tajtoua amatajkuilol Levítico
Xikonita keniuj amatajkuilol Levítico kinextia ke Dios yektik uan keyej semi moneki maj tejuan no tiyektikej.
Tein ika tajtoua amatajkuilol Deuteronomio
Xikonita keniuj iTanauatil Jiova tein kinmakak israelitas kinextia ke semi kintasojta itekitikauan.
Tein ika tajtoua amatajkuilol Josué
Xikonita keniuj xolal Israel kitani uan kixejxeloua tal tein Dios motenkaujka kinmakas.
Tein ika tajtoua amatajkuilol Jueces
Nejin amatajkuilol motokaytia kemej tekit tein kichiujkej takamej yolchikaujkej akin takuaujtamatiaj uan akin Dios kinixtalij maj kinmakixtinanij israelitas ininmako taixnamikinij.
Tein ika tajtoua amatajkuilol Rut
Amatajkuilol Rut ika tajtoua ueyi netasojtalis tein se ichpoch viuda kinextilij imonan viuda uan keniuj Jiova kintatiochiuij omen.
Tein ika tajtoua amatajkuilol 1 Samuel
Xikonita keniuj amo tamelauanijok kinixyekanayaj israelitas ta kinixyekanayaj tekiuanij.
Tein ika tajtoua amatajkuilol 2 Samuel
Xikonita keniuj David katka semej akin ixnesij itech Biblia akin okachi kiixmatiaj porin katka yolyemanik uan takuaujtamatia.
Tein ika tajtoua amatajkuilol 1 Reyes
Xikonita keniuj ompa Israel kuali nemiaj keman tekiuajtik Salomón uan ouijkayomej tein kipanokej keman moxeloj itech ome tekiuajyomej, Israel uan Judá.
Tein ika tajtoua amatajkuilol 2 Reyes
Xikonita keniuj tajyouijkej majtakti kalyetouanij israelitas porin kinueyichiuayaj tiotsitsin uan keniuj Jehová kintatiochiuij akin kitekilijkej ika nochi ininyolo.
Tein ika tajtoua amatajkuilol 2 Crónicas
Xikonita keniuj tein kinpanok akin taixyekanayaj ompa Judá kinextia ke semi moneki maj amo tikauakan Dios.
Tein ika tajtoua amatajkuilol Esdras
Jiova kichiua maj israelitas mokepakan Jerusalén ijkon kemej kijtojka uan kiyektalia taueyichiualis tein melauak.
Tein ika tajtoua amatajkuilol Nehemías
Amatajkuilol Nehemías kipia tamachtilismej tein axkan kinpaleuia akin kiueyichiuaj Jiova.
Tein ika tajtoua amatajkuilol Ester
Tein panok itech itonaluan Ester techpaleuis maj okachi titakuaujtamatikan ke Dios ueli kinmakixtia itekitikauan keman kipanouaj ouijkayomej.
Tein ika tajtoua amatajkuilol Job
Nochin akin kitasojtaj Jiova monekis kinextiskej ox amo kikauaskej. Tein kipanok Job techpaleuia maj titakuaujtamatikan ke uelis tiksentokaskej tiktakamatiskej uan tikpaleuiskej iueyitaixyekanalis.
Tein ika tajtoua amatajkuilol Salmos
Amatajkuilol Salmos ika tajtoua iueyi taixyekanalis Jiova, kinpaleuia uan kinyolseuia akin kitasojtaj uan kinextia ke iTekiuajyo tayektalis taltikpak.
Tein ika tajtoua amatajkuilol Proverbios
Xikonajsi miak tayolmajxitilismej tein tapaleuiaj itech tein yeski taman, itech tanamakalis hasta tein kipanouaj namikuanij.
Tein ika tajtoua amatajkuilol Eclesiastés
Tekiuaj Salomón kiyeknextia tein yekmelauj motelneki uan no kinextia tein kiixnamiki itamatilis Dios.
Tein ika tajtoua amatajkuilol El Cantar de los Cantares
¿Keyej netasojtalis tein mopialijkej sulamita uan ichkatajpixkej moijtoua ke “tit tein iaxka Jah”?
Tein ika tajtoua amatajkuilol Isaías
Amatajkuilol Isaías kichikaua totakuaujtamatilis porin kinextia ke Jiova nochipa kichiua tein motenkaua uan kinmakixtia itekitikauan.
Tein ika tajtoua amatajkuilol Jeremías
Jeremías kichiuak tekit tein Dios kimakaka maski kitajyouiltijkej. Xikonita keniuj tein kichiuak kinpaleuia akin kichiuaj kemej Cristo axkan.
Tein ika tajtoua amatajkuilol Lamentaciones
Jeremías kijkuiloj nejin amatajkuilol, kampa kijtoua tayokol tein kimachilia porin kiixpolojkej Jerusalén uan ke Dios kintapojpoluia akin moyolnonotsaj.
Tein ika tajtoua amatajkuilol Ezequiel
Ezequiel ika yolyemanilis uan yolchikaualis kichiuak nochi tein Dios kinauatij, maski ouij katka. Ineskayo techmachtia miak taman.
Tein ika tajtoua amatajkuilol Daniel
Daniel uan itasojikniuan kitakamatkej Jiova maski kipanokej ouijkayomej. Ininneskayo uan kemej mochiuak tein moijtojka techpaleuia axkan, itech nejin itamian tonalmej.
Tein ika tajtoua amatajkuilol Oseas
Tein kitematiltij Oseas kipia tamachtilis tein kitelpia ipatiuj tein kinextia keniuj Jiova kinnextilia teiknelilis tajtakolchiuanij akin moyolnonotsaj uan keniuj kineki maj se kiueyichiua.
Tein ika tajtoua amatajkuilol Joel
Joel ika tajtoj iueyi tonal Jiova tein amo uejkaua mochiuas uan kijtoj keniuj uelis se makisas. Axkan okachi moneki tikakiskej tein kijtoj ke panos.
Tein ika tajtoua amatajkuilol Amós
Jiova kimakak se tekit tein motelneki nejin takat yolyemanik. ¿Toni tein kitelpia ipatiuj techmachtia ineskayo Amós?
Tein ika tajtoua amatajkuilol Abdías
Yejua amatajkuilol tein okachi amo ueyi itech Escrituras Hebreas. Kinextia ke uelis tikchiaskej tein kuali uan ke monextis ke sayoj Jiova kinamiki taixyekanas.
Tein ika tajtoua amatajkuilol Jonás
Tanauatijkej kiselij tamelaualis, kichiuak tein kinauatijkej uan momachtij ke Dios semi tetasojta uan teiknelia. Tein kipanok ajsis itech moyolo.
Tein ika tajtoua amatajkuilol Miqueas
Nejin tein Dios kichiuak maj motematilti kichiua maj okachi titakuaujtamatikan ke nochi tein Jiova techtajtania kuali uan taixejekol.
Tein ika tajtoua amatajkuilol Nahúm
Tein Nahúm kitematiltij kichiua maj okachi titakuaujtamatikan ke Jiova nochipa kichiua tein kijtoua uan kinyolseuia akin kitemouaj yolseuilis uan nemakixtilis tein kiualkuis iTekiuajyo.
Tein ika tajtoua amatajkuilol Habacuc
Uelis tikyekmatiskej ke Jiova kimati kemanian okachi kuali uelis kinmakixtis itekitikauan uan keniuj kichiuas.
Tein ika tajtoua amatajkuilol Sofonías
¿Keyej moneki amo tiknemiliskej ke itonal Jiova amo ejkos?
Tein ika tajtoua amatajkuilol Ageo
Nejin amatajkuilol senkis kinextia ke moneki tiktayekanaltiskej tikueyichiuaskej Dios.
Tein ika tajtoua amatajkuilol Zacarías
Dios miak taman kinitaltij uan kinmatiltij itanauatijkauan tein kinyolchikauak itekitikauan ne uejkauj. Nejon no techyekmatiltia ke axkan tiksentokaj tikpiaj inepaleuil Dios.
Tein ika tajtoua amatajkuilol Malaquías
Nejin amatajkuilol kinextia ke itanauatiluan, iteiknelilis uan inetasojtalis Jiova amo keman mopataj. No techmachtia seki taman tein techpaleuia axkan.
Tein ika tajtoua amatajkuilol Mateo
Xionyolpaki tikonmatis seki taman tein kipia nejin amatajkuilol tein moajsi itech Biblia, yekinika semej Evangelios.
Tein ika tajtoua amatajkuilol Marcos
Evangelio tein okachi amo ueyak, amatajkuilol Marcos, kinextia tein Jesucristo kichiuas keman yeski Tekiuaj itech iTekiuajyo Dios.
Tein ika tajtoua amatajkuilol Lucas
¿Toni taman moijtoua sayoj itech amatajkuilol Lucas?
Tein ika tajtoua amatajkuilol Juan
Itech amatajkuilol Juan senkis monextia netasojtalis tein Jesús techpialia, iyolyemanilis uan tein kichiuas kemej Mesías, Tekiuaj itech iTekiuajyo Dios.
Tein ika tajtoua amatajkuilol Hechos de Apóstoles
Akin yekinika mochiujkej itatojtokakauan Cristo mochikaujkej noyampa kinpaleuiskej oksekin maj no mochiuanij itatojtokakauan Cristo. Amatajkuilol Hechos mitsonyolchikauas xiontanojnotsa ika okachi yolpakilis.
Tein ika tajtoua amatajkuilol Romanos
Itech nejin amatajkuilol senkis monextia ke Jiova amo techichikotasojta uan ke motelneki se takuaujtamatis iuan Jesucristo.
Tein ika tajtoua 1 Corintios
Itech amat tein Pablo kijkuiloj tayolmajxitij maj kuali se mouika, maj se chipaujkanemi, maj se tetasojta uan maj se takuaujtamati ke mikemej oksepa nemiskej.
Tein ika tajtoua amatajkuilol 1 Pedro
Yekinika Pedro techiluia maj nochipa tiktekitilikan Dios uan maj tikiluikan yejuatsin nochi tein techtekipachoua.
Tein ika tajtoua amatajkuilol 2 Pedro
Ojpatika Pedro techiluia maj tikchiakan yankuik iluikak uan yankuik taltikpak uan maj amo tikauakan Dios.
Tein ika tajtoua amatajkuilol 1 Juan
Amat tein Juan kijkuiloj kijtoua ke sekin kiixnamikiskiaj Cristo uan no kijtoua toni moneki tiktasojtaskej.
Tein ika tajtoua amatajkuilol 2 Juan
Juan kijtoua ke moneki amo tikauaskej tamachtilis tein melauak uan maj tikinixtopeuakan takajkayauanij.
Tein ika tajtoua amatajkuilol 3 Juan
Expatika Juan kijtoua ke moneki kuali tikinseliskej oksekin.
Tein ika tajtoua amatajkuilol Judas
Judas kijtoua ke sekin kinkajkayauaskiaj tokniuan uan kinxeloskiaj.
Tein ika tajtoua amatajkuilol Apocalipsis
Xikonita ke tein kijtoua amatajkuilol Apocalipsis kinextia ke iTekiuajyo Dios tapaleuis maj nochipaya mochiua tein yejuatsin kineki nikan taltikpak.
Tein ika tajtoua Biblia
Xikonita keniuj sejse libro tein kipia Biblia kimelaua nejin tein tayekantok: keniuj ika iTaixyekanalis Dios tein moajsi imako Jesucristo, kinextis ke amo melauj tein kijtouilianij yejuatsin.
