Nekuikatil 31
Tiitaixpantijkauan Jiova
(Isaías 43:10-12)
1. Tein amo kiixmati Dios
sayoj kiueyichiua
se tiotsin tachijchiuj
uan amo Jiova.
Nion se tiotsin kimati
nochi tein mochiuati.
Amo akin ueli kinextia
ke tiotsitsin tapaleuiaj.
(ESTRIBILLO)
Dios yekmelauj kichiuas
tein iTajtol kijtoua.
Tiitaixpantijkauan Jiova,
nejon techyolpaktia.
2. Tikteixmatiltiaj
iTekiuajyo Jiova
uan ke Ueyichiujkej.
Amo techmoujtiaj.
Tein yolnejmach kikakis
uan senkis kiyolseuis;
no kiueyichiuas toTajtsin
keman touan mokuikatis.
(ESTRIBILLO)
Dios yekmelauj kichiuas
tein iTajtol kijtoua.
Tiitaixpantijkauan Jiova,
nejon techyolpaktia.
3. Keman titanojnotsaj
tikueyichiuaj Jiova
uan tajtakolchiujkej
tiknejmachtiaj;
uelis moyolnonotsas
uan iuan Dios mokepas;
yejua ika titelyolpakij
tikinpaleuiskej nochin.
(ESTRIBILLO)
Dios yekmelauj kichiuas
tein iTajtol kijtoua.
Tiitaixpantijkauan Jiova,
nejon techyolpaktia.
(No xikonita Is. 37:19; 55:11; Ezeq. 3:19.)
