Itaixpantijkauan Jiova tikuelitaj titajtoskej ika Biblia iuan akin yeski, hasta iniuan akin techiluianijya ke amo kinyolnotsa. ¿Keyej? Porin tiktasojtaj Dios uan oksekin (Mateo 22:37-​39). Netasojtalis tein tikpialiaj Dios techolinia maj tiktakamatikan tanauatil tein techmakak Jesús maj “titanojnotstinemikan ika in Tajtoltsin de Dios tech nochi in pueblojuani” (Hechos 10:42; 1 Juan 5:3). Yejua ika, ijkon kemej itekitikauan Dios ne uejkauj, tiksentokaj tikteixmatiltiaj tein kijtoua Biblia (Jeremías 25:4). Uan netasojtalis tein tikinpialiaj oksekin techolinia maj tikteixmatiltikan kuali tanauatilmej ika iTekiuajyo Dios, maski miakej amo kinyolnotsas, porin sayoj ijkon uelis makisaskej (Mateo 24:14).

 Uan no, keman timokepaj ininchan akin amo kinyolnotsa tein titamachtiaj, miakpa tikajsij akin kemaj kineki techkakis. Porin:

•   Taltikpakneminij nemitij okseko.

•   Oksekin akin ompa nemij kinekij techkakiskej.

•   Taltikpakneminij mopataj. Tein mochiujtok itech taltikpak oso tein yejuan kipanouaj uelis kichiuas maj kiitakan ke “moneki motokiskej iuan Dios” uan maj kinekikan kimatiskej okachi toni ika tajtoua Biblia (Mateo 5:3, Traducción del Nuevo Mundo). Hasta akin techixnamikij uelis kipataskej kemej tanemiliaj, kemej kichiuak Pablo, se itekitikauj Dios (1 Timoteo 1:​13).

 Sayoj ke amo keman tikinchikaujkauiaj maj techkakikan (1 Pedro 3:​15). Tikmatij ke tisejsemej moneki tikixpejpenaskej toni tikneltokaskej (Deuteronomio 30:19, 20).