ToTajtsin Dios kineki mitsmaluis
BIBLIA iTlajtol toTajtsin Dios ikinon tlen ompa kijtoua techpaleuia. Biblia amo kijtoua ken timopajtiskej pero kijtoua tlen uelis tikchiuaskej para amo san matimotekipachokan. Techpaleuia kuali matimokuayejyekokan, matitlaxikokan, matimomaluikan uan amo san matimoyolkokojtokan.
Biblia kijtoua Jehová a otechchijchi, ikinon san ye kajsikamati ken timomachiliaj uan ken timokuayejyekouaj. Ye kineki techmaluis uan techpaleuis ijkuak titlajyouiaj. Ximokuayejyeko tlen kijtouaj ninmej ome textos. Sapanoua mitsyolchikauas.
“Jehová kajki inmiuan akinmej moyolkokouaj; ye kinmakixtia akinmej yolpatlachitokej” (SALMO 34:18).
“Ne, Jehová nimoDios, nikkitskijtok moyekma, Akin mitsiluia: ‘Amo ximomojti. Ne nimitspaleuis’” (ISAÍAS 41:13).
¿Ken techpaleuia Jehová kuali matimomachilikan uan amo san matimoyolkokojtokan? Tlen satepan tikitaskej techmachtia Jehová kineki techmaluis porque kimati techpaleuia.
a ToTajtsin Dios itoka Jehová (Salmo 83:18).
