Titetlapojpoluiskej kijtosneki tikilkauaskej tlen otechchiuilijkej para amo san techyolkokojtos. Amo kijtosneki amitlaj ipati tlen otechchiuilijkej nion tikijtoskej amitlaj otechtoktijkej.

PRINCIPIO BÍBLICO: “Ximoxikojtokan uan sepa ximotlapojpoluikan tla ikaj amo kuali okichiuilijkej” (Colosenses 3:13, TNM).

Se tlakatl tlen itoka Aaron okijto: “Ijkuak tiktlasojtla tonamik, amo tikita tlen amo kuali kichiua, tikita ken mochijchikaua yetos yolkuali”.

Tla san tikilnamiktok tlen omitschiuili nonamik, san timoyolkokojtos uan noijki uelis timokokos. Noijki xamo san nanmokualanijtoskej.

Se siuatl tlen itoka Julia okijto: “Se tonal nonamik sapanoua onechyolkoko uan onechilui ma niktlapojpolui. Oui onechchiuili pero oniktlapojpolui. Okachi kuali yetoskia tla san niman niktlapojpoluiskia, ijkon amo titlajyouiskiaj”.

XIMOKUAYEJYEKO

Ijkin ximotlajtlani ijkuak nonamik kichiua itlaj tlen mitsyolkokoua:

• ¿San niman timoyolkokoua?

• ¿Tikneki ma mitsilui xiktlapojpolui noso uelis tikilkauas tlen omitschiuili?

XIMOTLAPOUI IUAN MONAMIK

• ¿San niman timotlapojpoluiaj?

• ¿Tlen techpaleuis san niman ma timotlapojpoluikan?

NIN UELIS TIKCHIUAS

• Ijkuak monamik mitsyolkokos, amo ximokuayejyeko san okinek mitsyolkokos.

• Xikajsikamati monamik uan xikilnamikto “tinochteh kualchiwa titlajtolpanoah” noso timotlapololtiaj (Santiago 3:2)..

Se siuatl tlen itoka Kimberly okijto: “Tla tiome otimotlapololtijkej, san niman timotlapojpoluiaj, pero okachi oui tikitaj timotlapojpoluiskej tla san se omotlapololti. Moneki tiyetoskej tiyolyamankej para tikijtoskej otimotlapololtijkej uan titetlapojpoluiskej”.

PRINCIPIO BÍBLICO: “Tla aka mitsteilia iwa kijtoa itla tikwikilia, [san niman] ximoyekkawa íwa” (Mateo 5:25).