IHubo 18:1-50
Kumqondisi wokuhlabela. Ihubo likaDavida inceku kaJehova. Walihlabelela uJehova ngemva kokukhululwa kwakhe nguJehova ezitheni zakhe zonke lasesandleni sikaSawuli. Wathi:+
18 Awu Jehova, mandla ami,+ ngiyakuthanda kakhulu.
2 UJehova ulidwala lami lenqaba yami, nguye ongikhululayo.+
UNkulunkulu wami ulidwala lami,+ nguye engizacatsha kuye.
Ulihawu lami lophondo* lwami lwensindiso,* indawo yami yokucatsha evikelekileyo.*+
3 Ngibiza uJehova onguye ofanele ukudunyiswa,Ngizakhululwa ezitheni zami.+
4 Intambo zokufa zangithandela,+Abantu abangelancedo batheleka njengezikhukhula bangethusa.+
5 Intambo zengcwaba zangithandela,Ukufa kwafaka imijibila phambi kwami.+
6 Ngathi ngikhathazekile ngabiza uJehova,Ngaqhubeka ngikhala kuNkulunkulu ngicela ukuthi angincede.
Wangizwa esethempelini lakhe,+Ukukhala kwami ngicela uncedo kwafika endlebeni zakhe.+
7 Umhlaba waqala ukuzamazama lokunyikinyeka,+Izisekelo zezintaba zagedezela,Zanyikinyeka ngenxa yokuthukuthela kwakhe.+
8 Kwathunqa intuthu emakhaleni akhe,Kwaphuma umlilo ovuthayo emlonyeni wakhe,+Kwakhihlika lamalahle avuthayo kuye.
9 Wathi esehla amazulu agoba,+Ngaphansi kwenyawo zakhe kwakulamayezi amnyama tshu.+
10 Weza ephapha egade ikherubhi,+Wehla ngesiqubu esikhulu ephezu kwamaphiko engilosi.+
11 Wazembesa ngobumnyama.+
Amayezi ezulu amnyama+Amembesa angathi litende.
12 Ekukhanyeni okwakuphambi kwakheKwakulesiqhotho lamalahle avuthayo okwehla kuvela emayezini.
13 UJehova wasekhwaza esemazulwini,+OPhezukonke wakhuluma ilizwi lakhe lazwakala,+Kwehla isiqhotho lamalahle avuthayo.
14 Watshoka imitshoko yakhe izitha zasabalala,+Wathumela umbane wakhe zaphithana amakhanda.+
15 Awu Jehova, wakhwaza izisekelo zomhlaba zavela egcekeni,+Kwabonakala itshebetshebe engaphansi kolwandle,Ngenxa yomoya olamandla ophuma emakhaleni akho.+
16 Wangilalamela ekhonale phezulu,Wangibamba wangikhipha emanzini atshonayo.+
17 Wangikhulula ezitheni zami ezilamandla,+Kulabo abangizondayo ababelamandla kulami.+
18 Bangihlasela mhla ngisebunzimeni,+Kodwa uJehova wayelami.
19 Wangikhipha wangisa endaweni evikelekileyo,*Wangikhulula ngenxa yokuthi wayethokoza ngami.+
20 UJehova ungipha umvuzo ohambelana lokulunga kwami,+Uyangibusisa ngenxa yokuthi angilacala.*+
21 Ngizilandele izindlela zikaJehova,Njalo angizange ngimtshiye uNkulunkulu wami ngenze okubi.
22 Ngihlala ngizikhumbula izahlulelo zakhe,Angisoze ngidelele imilayo yakhe.
23 Ngizahlala ngimsulwa phambi kwakhe,+Angisoze ngenze isono.+
24 Kwangathi uJehova anganginika umvuzo ohambelana lokulunga kwami+Kanye lobumsulwa bami phambi kwakhe.+
25 Emuntwini oqotho lawe uqotho,+Komsulwa lawe umsulwa.+
26 Kohlanzekileyo lawe uhlanzekile,+Kodwa olimenemene umtshengisa ukuthiwena uhlakaniphile.+
27 Uyabasindisa abahluphekayo,+Wehlise abazigqajayo.+
28 Awu Jehova, nguwe olumathisa isibane sami,UNkulunkulu wami uyangikhanyisela emnyameni.+
29 Nxa ngincediswa nguwe ngingalwa lamabutho ahlaselayo,+Ngamandla engiwaphiwa nguNkulunkulu ngingakhwela umduli.+
30 Indlela kaNkulunkulu weqiniso iphelele,+Amazwi kaJehova acengekile.+
Ulihawu labo bonke abaphephela kuye.+
31 Ngubani omunye uNkulunkulu ngaphandle kukaJehova?+
Ngubani olidwala ngaphandle kukaNkulunkulu wethu?+
32 UNkulunkulu weqiniso nguye ongipha amandla,+Uzakwenza indlela yami iqonde.+
33 Wenza inyawo zami zibe njengezempala,*Angimise ezindaweni eziphakemeyo.+
34 Ungiqeqetshela impi,Izandla zami zingaligobisa idandili* elenziwe ngekhopha.*
35 Unginika ihawu lakho ukuze ungisindise,+Isandla sakho sokudla siyangisekela.
Ukuthobeka kwakho kwenza ngibe mkhulu.+
36 Indlela yami uyayiqhelisa,Inyawo zami azisoze zitshelele.+
37 Izitha zami ngizazixotshanisa ngize ngizifice,Angisoze ngiphenduke ngingaziqedanga zonke.
38 Zizawela phansi ngizinyathele,Ngizichoboze zingaphindi zivuke.+
39 Uzanginika amandla okulwa empini,Wenze izitha zami ziwe phambi kwami.+
40 Uzakwenza izitha zami zingibalekele,Ngizabaqeda du* abangizondayo.+
41 Bakhalela uncedo kodwa akulamuntu obasizayo,Baze bakhale lakuJehova kodwa kabaphenduli.
42 Ngizabachola babe njengothuli oluphetshulwa ngumoya,Ngibalahlele phandle angathi ngumuntu olahla udaka emigwaqweni.
43 Wena uzangikhulula ebantwini abangibeka icala.+
Uzangenza ngibe ngumkhokheli wezizwe.+
Abantu engingabaziyo bazangisebenzela.+
44 Bazakuthi besizwa ngami bahle bangilalele,Abezinye izizwe bazabuya kimi betshotshobele.+
45 Abezinye izizwe bazakwesaba,Baphume ezinqabeni zabo babuye kimi beqhaqhazela.
46 UJehova uyaphila! Kalidunyiswe iDwala lami!+
Kaphakanyiswe uNkulunkulu ongisindisayo.+
47 UNkulunkulu weqiniso uyangiphindiselela,+Unqoba izizwe azibeke ngaphansi kwami.
48 Uyangikhulula ezitheni zami ezizondileyo.
Wena uyangiphakamisa ngibe phezu kwalabo abangihlaselayo,+Ungisindise emuntwini olodlakela.
49 Yikho ngizakukhazimulisa phakathi kwezizwe, awu Jehova!+Ngizahlabela ngidumisa ibizo lakho.+
50 UNkulunkulu wenza izenzo ezimangalisayo ukuze asindise inkosi ayikhethileyo,+Ulothando oluqotho kogcotshiweyo wakhe,+UDavida lezizukulwane zakhe kuze kube nini lanini.+
Amabala angaphansi
^ Khangela iNgcazelo Yamabala.
^ Kumbe, “lomsindisi wami olamandla.”
^ Kumbe, “ephakemeyo.”
^ Kumbe, “enkulu.”
^ NgesiHebheru, “izandla zami zihlanzekile.”
^ Ibala lesiHebheru elisetshenziswe lapha litsho inyamazana ehambelana lempala.
^ Kumbe, “ngethusi.”
^ Khangela iNgcazelo Yamabala.
^ NgesiHebheru, “Ngizabathulisa.”
