IZaga 16:1-33
16 Umuntu uyayilungiselela imicabango yenhliziyo yakhe,Kodwa impendulo yakhe* ivela kuJehova.+
2 Zonke izindlela zomuntu zikhanya ziqondile kuye,+Kodwa uJehova uyakuhlolisisa okuhloswe ngumuntu.+
3 Beka konke okwenzayo ezandleni zikaJehova,*+Lapho-ke amacebo akho azaphumelela.
4 UJehova usebenzisa yonke into ukuze agcwalise injongo yakhe,Njalo abenza okubi bazabhujiswa ngosuku lokuhlupheka.+
5 UJehova uyamenyanya wonke umuntu ozigqajayo,+Hlala ukwazi ukuthi lowomuntu uzajeziswa loba sekutheni.
6 Ukuthembeka lokuba lothando oluqotho kwenza isono sihlawulelwe,+Njalo ukwesaba uJehova kwenza umuntu abalekele okubi.+
7 Nxa izindlela zomuntu zimthokozisa uJehova,Wenza lokuthi izitha zakhe zihlalisane laye ngokuthula.+
8 Kungcono ukuba lokulutshwana kodwa usenza okulungileyo,+Kulokuba lokunengi kodwa usenza okungalunganga.+
9 Umuntu angahlela indlela yakhe enhliziyweni,Kodwa uJehova nguye oqondisa izinyathelo zakhe.+
10 Ilizwi eliphefumulelweyo* kumele libe sezindebeni zenkosi;+Akumelanga yahlulele kubi+ loba sekutheni.
11 Izilinganiso kanye lezikali eziqondileyo zivela kuJehova;Zonke izilinganiso ezisesikhwameni zingumsebenzi wakhe.+
12 Amakhosi ayayenyanya imisebenzi yokuxhwala,+Ngoba isihlalo sobukhosi simiswa siqine ngokulunga.+
13 Amakhosi athokoziswa ngamazwi aqondileyo.
Ayamthanda umuntu okhuluma iqiniso.+
14 Ulaka lwenkosi lunjengesithunywa esiletha ukufa,+Kodwa ohlakaniphileyo uyalwehlisa.*+
15 Ukukhanya okusebusweni benkosi kuletha impilo,Umusa wayo unjengeyezi eliletha izulu lokucina.+
16 Kungcono kakhulu ukuthola ukuhlakanipha kulokuthola igolide,+Lokuzuza ukuzwisisa kungcono kulokukhetha isiliva.+
17 Umgwaqo omkhulu wabathembekileyo uyakuceza okubi.
Loba ngubani onanzelela indlela yakhe ulondoloza impilo yakhe.+
18 Nxa umuntu eziphakamisa okulandelayo yikuphahlazeka,Nxa ezikhukhumeza okulandelayo yikuwa.+
19 Kungcono ukuthobeka uphakathi kwabamnene,+Kulokwabelana inotho labantu abazikhukhumezayo.
20 Oveza ukukhalipha kwakhe nxa kulodaba oluthile uzaphumelela,*Njalo uyathokoza umuntu othemba uJehova.
21 Ohlakaniphileyo* kuzathiwa uyazwisisa;+Okhuluma ngomusa uzakwenza abantu bamkholwe.+
22 Ukukhalipha kungumthombo wokuphila kulabo abalakho,Kodwa iziphukuphuku zijeziswa yibuphukuphuku bazo.
23 Inhliziyo yomuntu ohlakaniphileyo inika umlomo wakhe ukukhalipha,+Njalo yenza abantu bakukholwe akukhulumayo.
24 Amazwi amnandi anjengoluju,Amnandi emphefumulweni* njalo elapha amathambo.+
25 Ikhona indlela ekhanya angani iqondile emuntwini,Kodwa ekucineni iletha ukufa.+
26 Iphango lomuntu osebenzayo lenza asebenze nzima,Indlala ayizwayo yiyo emthumayo.+
27 Umuntu ongelancedo uvumbulula izinto ezimbi;+Amazwi akhe anjengomlilo ovuthayo.+
28 Umuntu othanda ingxabano ubangela ukwehlukana,+Njalo onyundiselayo wehlukanisa abangane abazwananayo.+
29 Umuntu olodlakela uyenga umakhelwane wakheAmhambise endleleni engayisiyo.
30 Ufica ilihlo lakhe ebumba amacebo amabi.
Alume umlomo wakhe esenza ukuganga.
31 Inwele ezimhlophe zingumqhele wobuhle*+Nxa zitholwa ngulowo ohamba endleleni yokulunga.+
32 Umuntu ophuza ukuzonda+ ungcono kulendoda elamandla,Lalowo ozibambayo nxa esezondile ungcono kulalowo onqoba idolobho.+
33 Umuntu angaphosa inkatho enyaweni zakhe,+Kodwa zonke izinqumo ezenziwa ngayo zivela kuJehova.+
Amabala angaphansi
^ Kumbe, “impendulo eqondileyo.”
^ NgesiHebheru, “Giqela kuJehova imisebenzi yakho.”
^ Kumbe, “elivela kuNkulunkulu.”
^ Kumbe, “uyaluceza.”
^ NgesiHebheru, “uzathola okuhle.”
^ Kumbe, “Ohlakaniphileyo enhliziyweni.”
^ Khangela iNgcazelo Yamabala.
^ Kumbe, “wenkazimulo.”
