IZaga 24:1-34
24 Ungabahawukeli abantu abenza okubiNjalo ungafisi ukuba labo,+
2 Ngoba inhliziyo zabo zicabanga ngodlakela,Lemilomo yabo ikhuluma ngokubangela uhlupho.
3 Indlu* yakhiwa ngokuhlakanipha,+Njalo imiswa iqine ngokuqedisisa.
4 Ngolwazi, izindlu zayo zangaphakathiZigcwaliswa ngayo yonke imihlobo yamagugu aqakathekileyo futhi amahle.+
5 Umuntu ohlakaniphileyo ulamandla,+Njalo ulwazi lwenza angezelele amandla akhe.
6 Impi yakho uzayilwa usebenzisa amacebo alobungcitshi,*+Njalo kuba lokunqoba* nxa kulabacebisi* abanengi.+
7 Isiphukuphuku ngeke sibe lokuhlakanipha+ kweqiniso,Kasilalutho esingalutsho egedini ledolobho.
8 Loba ngubani obumba amacebo amabiUzabizwa ngokuthi yingcitshi yamacebo amabi.+
9 Amacebo obuphukuphuku* ayisono,Njalo abantu bayamenyanya umuntu othanda ukweyisa abanye.+
10 Nxa ungadana ngosuku lokuhlupheka,*Amandla akho azakuba mancane.
11 Sindisa labo abahanjiswa ekufeni,Ukhulule abadiyazela besiyabulawa.+
12 Kodwa nxa ungathi, “Thina besingakwazi lokhu,”Lowo ohlola izinhliziyo* uyabe engakuboni yini?+
Lowo okukhangelayo uzakwazi sibili,Njalo uzabuyisela umuntu ngamunye lokho okuhambelana lemisebenzi yakhe.+
13 Ndodana yami, dlana uluju ngoba luyanceda;Uluju olujuluka ezinhlangeni lumnandi okwamagama.
14 Ngakho-ke, hlala ukwazi ukuthi ukuhlakanipha kuyakunceda.*+
Ungakuthola uzakuba lekusasa elihle,Ithemba lakho alisoze litshabalaliswe.+
15 Ungacathami eduze kwendlu yomuntu olungileyo ufuna ukwenza okubi,Ungayidilizi indawo aphumula kuyo.
16 Phela olungileyo angaze awe kasikhombisa, uzaphinda avuke,+Kodwa abenza okubi bazakuwa babhazalale ngenxa yenhlupho.+
17 Ungathabi nxa isitha sakho singawa,Njalo inhliziyo yakho kayingathokozi nxa singakhubeka;+
18 Ngoba uJehova uzakubona lokho angathokozi,Abesesusa ulaka lwakhe kuso.*+
19 Ungabacaphukeli abantu abenza okubi,Ungabahawukeli abantu abaxhwalileyo,
20 Ngoba ikusasa lomuntu owenza okubi limnyama,+Isibane sabaxhwalileyo sizacitshwa.+
21 Ndodana yami, mesabe uJehova kanye lenkosi.+
Ungazihlanganisi labahlamuki,*+
22 Ngoba bazakwehlelwa ngumonakalo masinyane nje.+
Kakho okwaziyo ukuthi luhlupho bani abazalwehlisela* kubo.+
23 Amazwi la lawo ngawabahlakaniphileyo:
Akukuhle ukubandlulula nxa usahlulela.+
24 Loba ngubani otshela umuntu owenza okubi athi, “Ulungile,”+Uzathukwa ngabantu, asolwe yizizwe.
25 Kodwa labo abamkhuzayo kuzabahambela kuhle,+Bazabusiswa ngezinto ezinhle.+
26 Abantu bazaqabuza izindebe zalowo ophendula impendulo eliqiniso.*+
27 Lungiselela umsebenzi wakho waphandle, ulungise yonke into emasimini,Ubususakha-ke indlu yakho.*
28 Ungafakazi umelana lomakhelwane wakho kungelasizatho.+
Ungasebenzisi umlomo wakho ukuqila abanye.+
29 Ungabokuthi: “Ngizamenza lokho angenze khona,Ngizaphindisela ngenxa yalokho akwenzileyo.”+
30 Ngadlula ensimini yevila,+Ensimini yamagilebisi yomuntu ongelangqondo,
31 Ngabona ukhula lubophile,Kwakugcwele ukhula oluhlabayo,Lomduli wakhona wamatshe wawudilikile.+
32 Ngakunanzelela lokhu, ngakufaka enhliziyweni yami,Ngakubona, ngathola isifundo lesi:
33 Nxa ungalala kancane, uwozele kancane nje,Ugoqe izandla okwesikhatshana nje ukuze uphumule,
34 Ubuyanga buzakufikela njengesela,Lokudubeka kufike kuwe njengendoda ehlomileyo.+
Amabala angaphansi
^ Kumbe, “Imuli.”
^ Kumbe, “avela emuntwini oyingcitshi.”
^ Kumbe, “lokuphumelela; lokusinda.”
^ Kumbe, “kulabeluleki.”
^ Kumbe, “esiphukuphuku.”
^ Kumbe, “ngezikhathi zokuhlupheka.”
^ Kumbe, “ohlola lokho okuhloswe ngumuntu.”
^ Kumbe, “kumnandi emphefumulweni wakho.”
^ Lapha kutshiwo isitha.
^ Kumbe, “labalwela utshintsho.”
^ Lapha kutshiwo uJehova lenkosi.
^ Ezinye inguqulo zithi, “Ukuphendula ungabhodabhodi kunjengokuqabuza.”
^ Kumbe, “Ubusuqinisa imuli yakho.”
