1 | Ukuthandaza—‘Phosela Kuye Konke Okukukhathazayo’
IBHAYIBHILI LITHI: “Liphosele kuye konke okulikhathazayo ngoba yena ulendaba lani.”—1 UPHETRO 5:7.
Okutshiwo Yivesi Le
UJehova uNkulunkulu ufuna umtshele loba yini engabe ikukhathaza. (IHubo 55:22) Ufuna umtshele konke kungelani lokuthi kuncane kumbe kukhulu. Nxa kuqakathekile kuwe woba leqiniso lokuthi kuqakathekile lakuJehova ngoba yena ulendaba lawe lendlela ozizwa ngayo. Ukuthandaza kuqakathekile ngoba kuzakwenza uhlaliseke.—KwabaseFiliphi 4:6, 7.
Ukuthandaza Kuzakunceda Njani?
Nxa uyake ukhathazeke kakhulu kumbe ulomkhuhlane ohlasela ingqondo ungabona angani akulamuntu olendaba lawe. Phela labanye abantu bangabe bengayizwisisi indlela ozizwa ngayo. (IZaga 14:10) Kodwa uJehova uyazwisisa yikho nxa ungathandaza kuye umtshele konke okukukhathazayo uzakulalela. Uyakubona konke okwenzakala kuwe okuhlanganisa lobuhlungu obuzwayo yikho esithi uthandaze kuye.—2 ImiLando 6:29, 30.
Ukuthandaza kuJehova kuzakwenza ungathandabuzi ukuthi ulendaba lawe. Uzazizwa njengomhubi owathandaza wathi: “Ukubonile ukuhlupheka kwami; uyakwazi okungikhathazayo enhliziyweni yami.” (IHubo 31:7) Ukwazi ukuthi uJehova uyabubona bonke ubunzima ophakathi kwabo kuzakunceda ukuthi uqhubeke ubekezela. Kodwa kapheleli ekuboneni ubunzima okubo. Uyakuncedisa njalo akududuze esebenzisa iBhayibhili.
Nanku Okunye
INQABAYOKULINDA
Ungathandaza Njani Ukuze UNkulunkulu Akuzwe?
Khuluma loNkulunkulu kungelani lokuthi kunini futhi ungaphi njalo ungakhuluma laye uphumisela amazwi loba ukhulumele enhliziyweni. UJesu wasinceda sabona ukuthi kuyini esingakutsho emithandazweni yethu.
UKUCHASISWA KWAMAVESI ASEBHAYIBHILINI
Ukuchasiswa Kuka-Isaya 41:10—“Ungesabi, Ngoba Mina Ngilawe”
Kathathu konke uJehova waqinisekisa labo abamkhonza bethembekile ukuthi uzabancedisa.
ESSENTIAL BIBLE TEACHINGS
UNkulunkulu Ulalela Yonke Imithandazo Yini?
UNkulunkulu kalaleli lapho umuntu ethandazela okungavumelani lentando yakhe. UNkulunkulu kalaleli umthandazo wendoda ehlukuluza umkayo.
IMIBUZO EBUZWA NGABASAKHULAYO
Kungani Kumele Ngithandaze?
Abanye bacabanga ukuthi ukuthandaza yindlela yokuziduduza nje kuphela.
INQABAYOKULINDA
UNkulunkulu Uyayizwa Yini Imithandazo Yethu?
IBhayibhili lisitshela ukuthi nxa sikhuleka ngendlela eqondileyo uNkulunkulu uyasilalela.
OKUMAYELANA LATHI
Cela Ukuthi Omunye Wethu Akuvakatshele
Xoxa ngezinto ezitshiyeneyo eziphathelane leBhayibhili kumbe ufunde okunengi ngaboFakazi bakaJehova.
