Ukuba Ngumngane KaNkulunkulu
Isihloko sokuqala semagazini le sikhulume ngokuthi abanengi bayalihlonipha iBhayibhili ngoba libhuku elingcwele. Nxa belibala futhi besenza elikutshoyo, bazizwa beseduze loNkulunkulu futhi lenza bazwisise ukuthi baphilelani.
Nxa iBhayibhili likhuluma ngalabo abaqakathekisa ukukhokhelwa nguNkulunkulu ekuphileni lithi ‘balomoya kaNkulunkulu.’ (UJuda 18, 19) Abantu abangafuni ukukhokhelwa nguNkulunkulu bazenzela umathanda, yikho betshiyene lalabo abafuna ukukhokhelwa nguNkulunkulu.—Kwabase-Efesu 5:1.
ITHEMBA
ISIMISO ESISEBHAYIBHILINI: “Nxa ungadana ngezikhathi zokuhlupheka, amandla akho azaba manciyane!”—IZaga 24:10, NW.
KUTSHONI? Ukudana kungasiqeda amandla, sicine singasenelisi ukulwisana lenhlupho. Kodwa singaba lethemba sizenelisa ukulwisana lenhlupho. Ithemba liyasinceda sinanzelele ukuthi inhlupho ngezesikhatshana njalo kulokuhle esizakuthola nxa singaphumelela ukulwisana lazo.
ONGAKWENZA: Zama ukucabanga ngokuhle okuzakwenzakala esikhathini esizayo. Kulokuzihlupha ngezinto ezimbi ocabangela ukuthi zingenzakala, qhubeka ngempilo. Izikhathi ezinengi izinto esitshona sikhathazeke ngazo azijayelanga ukuba zimbi njengalokhu esingabe sikucabanga. Lanxa kunjalo, ‘singafikelwa yizikhathi ezimbi’ ezehlela abantu belibele. (UmTshumayeli 9:12) IBhayibhili lisebenzisa umzekeliso wokulima ukuze likucacise lokho. Lithi: ‘Hlanyela imbewu yakho ekuseni, ngoba kawukwazi okuzaphumelela, kumbe yilokhu loba yilokhuyana, langabe kokubili kuzalunga ngokufananayo.’—UmTshumayeli 11:6.
IZIMPENDULO ZEMIBUZO EHLUPHAYO EMPILWENI
ISIMISO ESISEBHAYIBHILINI: ‘Ngipha ukuzwisisa. Wonke amazwi akho aqinisile.’—IHubo 119:144, 160.
KUTSHONI? IBhayibhili lilezimpendulo zemibuzo ehlupha abantu abanengi. Ngokwesibonelo, liphendula imibuzo enjengale
-
Savela ngaphi?
-
Siphilelani?
-
Kwenzakalani nxa umuntu angafa?
-
Ikhona yini impilo engcono kulale?
Abantu abanengi sebelempilo engcono kakhulu ngenxa yokuthi sebethole izimpendulo zemibuzo le kanye leminye eminengi.
ONGAKWENZA: Zibonele ngawakho ukuthi iBhayibhili lifundisani. Cela ukuthi oFakazi bakaJehova bakuncedise ukuze uzwisise okuseBhayibhilini. Ngena kuwebhusayithi yethu i-jw.org, kumbe ungene imihlangano yethu engenwa mahala.
EZINYE IZIMISO EZISEBHAYIBHILINI
Bukela ividiyo ethi Kungani Kumele Ulifunde IBhayibhili? ku- jw.org. Itholakala ngezindimi ezedlula 880
NANZELELA UKUTHI UYAKUDINGA UKUKHOKHELWA NGUNKULUNKULU.
“Bayathokoza abakunanzelelayo ukuthi kumele bakhokhelwe nguNkulunkulu.”—UMATHEWU 5:3.
FUNDA OKUNENGI NGONKULUNKULU.
“Sondelani kuNkulunkulu, laye uzasondela kini.”—UJAKHOBE 4:8.
BALA IBHAYIBHILI FUTHI UCABANGISISE NGELIKUTSHOYO.
‘Ukuthokoza kwakhe kusemthethweni kaJehova, * futhi unakana ngomthetho wakhe imini lobusuku. Konke akwenzayo kuyaphumelela.’—IHUBO 1:2, 3.
^ indima 23 UJehova libizo likaNkulunkulu esilithola eBhayibhilini.
Nanku Okunye
INQABAYOKULINDA
IBhayibhili Linganginceda Njani?
Ibhuku leli elabhalwa kudala lilamacebo angasinceda.
