I-pomelo yisithelo esimnandi futhi esikhulu esinjenge-orenji. Nxa singawa esihlahleni asidabuki lanxa isihlahla leso singamamitha angu-10 ubude! Kubangelwa yini lokhu?

 Cabanga ngalokhu: Abachwayisisayo sebathola ukuthi ingxenye emhlophe engaphakathi kwekhasi lesithelo lesi ifanana lesipontshi njalo kulezikhala phakathi laphakathi kwama-cell alo. Ezinye izikhala lezo zinkulu njalo ziyabe zilomoya kumbe amanzi. Nxa isithelo lesi siwela phansi, amanzi lawo asebenza njengesipontshi esenza ukuthi isithelo singadabuki.

 Kulomhlobo wensimbi owenziwe ngabesayensi belingisela indlela ikhasi le-pomelo elenza ngayo. Bacabanga ukuthi insimbi le ingasetshenziswa ukwenza izingwane zabantu abagada imidududu kumbe ifakwe lezimoteni ukuze abantu bavikeleke nxa kungaba lengozi. Bathi ingasetshenziswa lakuma-satellite asemkhathini ukuze angalimali nxa etshaywa ngamatshe asemkhathini.

 Ubona njani? Ikhasi lesithelo esithiwa yi-pomelo elingadabukiyo lazenzakalela yini kumbe ladalwa?