Nduyo 136:1-26
136 Bonganyi Jehovha, ngokuti iyena wakanaka;Rudo hwake hucikacinji ahuna magumo.
2 Bonganyi Mwari wo zvimwari,Ngokuti rudo hwake hucikacinji ahuna magumo.
3 Bonganyi Mambo wo majimambo,Ngokuti rudo hwake hucikacinji ahuna magumo.
4 Ndiyena ega anoita zviro zvakakura zvinoshamaisa,Ngokuti rudo hwake hucikacinji ahuna magumo.
5 Iyena wakaita matenga ngo uzivi hwake,Ngokuti rudo hwake hucikacinji ahuna magumo.
6 Iyena wakatambanuja nyika panyezuru po kumwa,Ngokuti rudo hwake hucikacinji ahuna magumo.
7 Iyena wakaita ruvheneko wakakura,*Ngokuti rudo hwake hucikacinji ahuna magumo.
8 Iyena wakaita zuva kuti ritonge comasikati,Ngokuti rudo hwake hucikacinji ahuna magumo.
9 Iyena wakaita mweji no ndhondho kuti zvitonge cousiku,Ngokuti rudo hwake hucikacinji ahuna magumo.
10 Iyena wakauraya matangwe o ku Ejipita,Ngokuti rudo hwake hucikacinji ahuna magumo.
11 Iyena wakavhisa Vaiziraeri mu Ejipita,Ngokuti rudo hwake hucikacinji ahuna magumo.
12 Ecishandisa nyara yake ino simba no mukono wake uno simba,Ngokuti rudo hwake hucikacinji ahuna magumo.
13 Iyena wakagura Jombe ro Kupsuka ngo pakati,Ngokuti rudo hwake hucikacinji ahuna magumo.
14 Iyena wakaita kuti Vaiziraeri vapinde ngo pakati paro,Ngokuti rudo hwake hucikacinji ahuna magumo.
15 Iyena wakawisira Faro no masoca ake mu Jombe ro Kupsuka,Ngokuti rudo hwake hucikacinji ahuna magumo.
16 Iyena wakatungamirira vandhu vake mu cipare,Ngokuti rudo hwake hucikacinji ahuna magumo.
17 Iyena wakanyisa majimambo akakura,Ngokuti rudo hwake hucikacinji ahuna magumo.
18 Iyena wakauraya majimambo ano simba,Ngokuti rudo hwake hucikacinji ahuna magumo.
19 Sihoni mambo wo Vaamori,Ngokuti rudo hwake hucikacinji ahuna magumo.
20 Na Ogi mambo wo Bhashani,Ngokuti rudo hwake hucikacinji ahuna magumo.
21 Iyena wakapa nyika yavo inga ndhaka,Ngokuti rudo hwake hucikacinji ahuna magumo.
22 Wakaipa inga ndhaka ku vandhu vake Vaiziraeri,Ngokuti rudo hwake hucikacinji ahuna magumo.
23 Iyena wakaticeukija pa mukuwo wotaidodokeswa,Ngokuti rudo hwake hucikacinji ahuna magumo.
24 Iyena wakaenderera mberi ecitiponesa mu nyara jo vavengi vedu,Ngokuti rudo hwake hucikacinji ahuna magumo.
25 Iyena anopa zvokuha zviro zvese zvinopona,Ngokuti rudo hwake hucikacinji ahuna magumo.
26 Bonganyi Mwari wo kumatenga,Ngokuti rudo hwake hucikacinji ahuna magumo.
Masoko o Pasi
^ Kana: “Iyena wakaita zuva, mweji no ndhondho.”
