Nduyo 139:1-24
Ku mutungamiriri. Nduyo ya Dhavhidhi.
139 Jehovha Mwari wangu, imwimwi munondipopora no kundiziva.
2 Imwimwi munoziva pandinogara pasi no pandinomuka.
Munozwisisa murangariro jangu muri ngo ndhambo.
3 Imwimwi munondipopora pandinofamba no pandinovata;Munonasa kuziva makwanja angu ese.
4 Ndicito ndikatovereketa gama riri rese,Imwimwi Jehovha, munonga mariziva.
5 Imwimwi makanditendeneja mu mativi ese, kumbeji kwangu no sure kwangu.Kusiyapo izvi, imwimwi mandibata ngo nyara yenyu.
6 Zivo iyi, inopindirija kuzwisisa kwangu.
Iyona yakareba maningi zvokuti andikwanisi kuibata.
7 Ngo kwapi kwandingafindara kwamucikakwanisi kundivona?Ndaizotizira kwapi kuti nditame kuvoneka ndimwi?
8 Kudari ndikakhwira mudenga, imwimwi munonga muriyo,Kudari ndikaenda kovatira mu Guva,* imwimwi munonga murimo.
9 Kudari ndikamburuka, ndonghwina mu ruvheneko unovoneka kunja kukaejaKuti ndiyende kogara kumbhiri ko jombe,
10 Pikija ndiri kondhoyo, mukono wenyu waizonditungamirira.Mukono wenyu wo muho waizondibata.
11 Kudari inini ndikananga kuti: “Kunasa kunanga cidima cinozondingwarira!”
Ngo kudaro, usiku wakanditendeneja unozova ruvheneko.
12 Nee cidima acizovi cakasvipa maningi kwamuriUsiku waizoita inga masikati;Ngokuti kwamuri, cidima cakaezana no ruvheneko.
13 Ngokuti imwimwi makaita shingamo* jangu.Mondiviga* mu ndani ya mai wangu.
14 Inini ndinomusimba, ngokuti ndakaitwa ngo njira inoshamaisa no inothyisa.
Inini ndinonasa kuzviziva ushoni kuti,Mabasa enyu anoshamaisa.
15 Maphondo* angu aacaingepi akavigika pamberi penyuPandakasikwa mucifise-fise,Pandakarukwa pa ndau jakajika jo nyika.
16 Majiso enyu akandivona pandainga mu ndani ma mai wangu ndicito ndikabahwa;Mativi angu ese ainga akatahwa mu bhuku renyuNgo pamusoro po njiku yaakasikwaIwona akatahwa acito asikwa.
17 Ngo kudaro, murangariro jenyu jinosisira maningi kwandiri!
Mwari wangu, murangariro jenyu jakawanda maningi!
18 Kudari ndikaeja kujiverenga, ijona jakawanda maningi kupinda musanga.
Pandinomuka, ndinoenderera mberi na imwimwi.*
19 Mwari wangu, kudari nomaiuraya vandhu vakashata!
Vandhu vanouraya vaizogara ndhambo na inini,
20 Vaya vanobhuya ngo pamusoro penyu no cinangwa cakashata;Ndi vavengi venyu vanoshandisa zina renyu mu njira icikasisiri.
21 Jehovha Mwari wangu, kureva kuti inini andinyenyi vandhu vanomunyenya?Kureva kuti inini andisembhuswi ngo vandhu vayani vanomumukira?
22 Inini ndinovanyenya maningi kamare;Ivona vaavavengi vangu kamare.
23 Ndipoporenyi Mwari wangu, muzive mwoyo wangu.
Ndipoporenyi muzive zviro zvinondithimwa-thimwisa.
24 Vonanyi dangani ndino murangariro wakashata,Nditungamirirenyi mu gwanja ro upenyu ucikaperi.
Masoko o Pasi
^ Kana: “Sheori.” Kana kuti, kufa kunoita vandhu vese. Vonanyi Kudurujihwa ko Magama.
^ Kana: “ndengero.”
^ Kangaije: “Mondiruka.”
^ Vonanyi Kudurujihwa ko Magama.
^ Kangaije: “ndinoenderera ndecijiverenga.”
