Nduyo 21:1-13
Ku mutungamiriri. Nduyo ya Dhavhidhi.
21 Jehovha Mwari wangu, mambo anodakara ngo ndava yo simba renyu;Iyena anodakara maningi ngo ndava yo zviito zvenyu zvo ruponeso!
2 Makamupa zviro zvinodiwa ngo mwoyo wake,Amuzivi kumunyima zviro zvaakakumbira ngo muromo wake. (Sera)
3 Imwimwi munomupa makomborero akawanda;Munomusimija mu musoro make korowa yo goridhi rakanaka.
4 Iyena wakamukumbira upenyu, imwimwi makamupa upenyu wakareba,Upenyu ucikaperi wo kwenda no kwenda.
5 Zviito zvenyu zvo ruponeso zvinoita kuti iyena akujwe maningi.
Imwimwi munomuita mukuru no kumuita kuti areremejwe.
6 Imwimwi munomuita kuti akomborehwe mbhera narini;Momuita kuti adakare ari pamberi penyu.
7 Ngokuti mambo anothemba Jehovha;Ngo ndava yo rudo hucikacinji wo Mukuru-Kuru, iyena aazozungunyiswi.
8 Mukono wenyu unozobata vavengi venyu vese;Mukono wenyu wo muho unozobata vaya vanomuzonda.
9 Imwimwi munozovapeja vese inga zviro zviri kupiswa pa muriro, mbhera vozotama kuzovonekazve pa mukuvo wamunozoviya.
Jehovha anozovapeja akanyangajwa, muriro unozovapisavo.
10 Imwimwi munozoparaja mubarihwana yavo,Imwimwi munozovhisa mubarihwana yavo panyika,
Imwimwi munozopeja mubarihwana yavo.
11 Ngokuti vakarangarira kumuitira zvakashata,Vakaronga mazano acikazobudiriri.
12 Ngokuti imwimwi munozoita kuti ivona vahwirire surePamunozokwanya* uta hwenyu kuti mufure kumeso kwavo.
13 Jehovha Mwari wangu, mukanyi muno simba renyu.
Tinozoimba ndumbo jokumusimba ngo ndava yo simba renyu.
Masoko o Pasi
^ Kana: “Pamunozokweva singa pa. ”
