Nduyo 32:1-11
Nduyo ya Dhavhidhi. Masikiri.
32 Anodakara wiya wakaregerehwa kuposa kwake, zvishaishi zvake zvakafukijwa.
2 Anodakara mundhu anokanganihwa cishaishi cake ndi Jehovha.Uwo acina mwoyo unocengeja.
3 Pandaienderera mberi ndakanyarara, ndaipera simba ngokuti ndaitetemera njiku yese.
4 Ngokuti usiku no masikati nyara yenyu inondiremera.
Simba rangu rakapera inga kumwa inophwa pa mukuvo wo cirimo. (Sera)
5 Pejisire ndakadekeca cishaishi cangu kwamuri;Andizivi kuviga kuposa kwangu.
Inini ndakati: “Ndinozodekeca kuposa kwangu kuna Jehovha.”
Imwimwi makaregerera kuposa kwangu no zvishaishi zvangu. (Sera)
6 Ngo ndava ya izvi, mundhu wese wakagondeka anozoita mukumbiro kwamuriPa mukuvo wokuti imwimwi munowanika.
Ngo kudaro, pikija matambujiko akaita inga kumwa yakawandisisa, aazomugumiri.
7 Imwimwi muri ndau yokutizira kwandiri;Imwimwi munozondingwarira pa dambujiko.
Imwimwi munozoita kuti ndigare pakati po vandhu vakadakara ngo ndava yo ruponeso hwenyu. (Sera)
8 “Inini ndinozoita kuti iwewe uzwisise no kukujijisa gwanja raunodikana kufamba ndirona.
Inini ndinozokupangira ndakakusotesesa.
9 Mucava inga haci no mura,* ijo jicikakwanisi kuzwisisa,Jokuti jinodikana kusungihwa bote mumusipa no pamuromoKuti jikwanise kumuzwira.”
10 Vandhu vanoita zvakashata vanotambujika maningi;Asi vaya vanothemba Jehovha vakatendenejwa ngo rudo Hwake hucikacinji.
11 Dakaranyi ngo ndava yo zviro zvinoizwa ndi Jehovha, imwimwi mwese varuramiImwimwi vandhu vano mwoyo yakanaka, khuwanyi ngo kudakara.
Masoko o Pasi
^ Mubarihwana wo mbongoyo.
