Nduyo 47:1-9

  • Mwari ndi Mambo pa nyika yese

    • ‘Jehovha anothyisa’ (2)

    • Imbanyi ndumbo jokusimba Mwari (6, 7)

Ku mutungamiriri. Nduyo yo vana va Koraa. 47  Takanyi nyara imwimwi majinja ese. Daninjanyi Mwari meciimba ndumbo yo unyisi ngo mudakaro wese.  2  Ngokuti Jehovha Mukuru-Kuru, anothyisa;Iyena ndiyena Mambo mukuru pa nyika yese.  3  Iyena anotipa majinja kuti timatonge;Anotipazve majinja kuti timanyise.  4  Iyena anotisanira utaka hwedu,Rukujo hwa Jakobe, wiya waanoda. (Sera)  5  Mwari wakakhwira kwenda ku ndau yake, eciimbihwa ngo kudakara;Jehovha wakakhwira kwenda ku ndau yake ecirijihwa mbayapaya.*  6  Imbiranyi Mwari ndumbo jokumusimba, imbanyi ndumbo jokumusimba. Imbiranyi Mambo wedu ndumbo jokumusimba, imbanyi ndumbo jokumusimba.  7  Ngokuti Mwari ndiyena Mambo wo nyika yese;Imbanyi ndumbo jokumusimba, khombijanyi kuti muno uzivi.  8  Mwari Waamambo wo majinja ese. Mwari wakagara pa cigaro cake cakacena co umambo.  9  Vatungamiriri vo majinja vaungana pamwepoNo vandhu va Mwari wa Abhirahama. Ngokuti vatongi vo nyika ngo va Mwari.* Iyena wakagara pa ndau yake yakakura maningi.

Masoko o Pasi

^ Kana: “nyanga yo vhuta.”
^ Gama ngo Gama: “Muvhiko jo nyika ngo ja Mwari.”
TRADUÇÃO DO NOVO MUNDO DAS ESCRITURAS SAGRADAS
Nduyo 47
Cindau
Verenganyi Bhaibheri mu Interneti
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt