Nduyo 90:1-17
Mukumbiro wa Mosi, mundhu wa Mwari wocokwadi.
90 Jehovha Mwari wangu, imwimwi muri ndau yedu yokutizira, kumubarihwana no mubarihwana.
2 Mucito maita matundhuKana mucito masika nyika no zvese zvirimo,Imwimwi muri Mwari kwenda no kwenda.
3 Munoita kuti mundhu anofa ahwirire ku bukuta;Imwimwi munoti: “Hwiriranyi vana vo vandhu.”
4 Ngokuti kwamuri, ciuru co makore cakaita inga njiku yo zuro yakapinda,Cakaita inga nguva nganani.*
5 Imwimwi munovapeja ngo kukasika; ivona vakaita inga hope;Comangwanani, ivona vakaita inga sora rinomera.
6 Comangwanani irona rinotumbuka roita imbza,Asi cousiku rinofota rovoma.
7 Ngokuti itusu tiri kupejwa ngo ushungu hwenyu,Tiri kuthyisijihwa ngo kucamwa kwenyu.
8 Imwimwi madira kuposa kwedu pamberi penyu;Zviro zvedu zvakafisika zvaapambhene ngo ndava yo ruvheneko wo kumeso kwenyu.
9 Njiku jedu jinongarangaka ngo ndava yo ushungu hwenyu;Itusu tinofa ngo kukasika inga mwiha unongarangaka ngo kukasika.
10 Tinorarama makore anokwana kuita 70Kana 80 ku vaya vakavanga maningi.
Makore aya akazara ngo matambujiko no nyathwa;Iwona anokhirira ngo kukasika, tevere itusu tinongarangaka.*
11 Ndiyani anokwanisa kuzwisisa simba ro kunyangajwa kwenyu?
Ushungu hwenyu hwakakura maningi kudari inga kureremejwa kwamunofanera.
12 Tijijisenyi kuverenga njiku jeduKuti tive no mwoyo uno uzivi.
13 Jehovha Mwari wangu, viyanyi! Izvi zvinozoitika mbhera rini?
Itiranyi unyasha vashandiri venyu.
14 Tipenyi rudo hwenyu hucikacinji comangwanani,Kuti itusu tiimbe no kukhuwa ngo kudakara njiku jedu jese.
15 Itanyi kuti tidakare mukuzwirana no njiku jamakatitambuja,Mukuzwirana no makore atakasongana no matambujiko.
16 Vashandiri venyu ngavavone zviito zvenyu,Vana vavo ngavavone rukujo hwenyu.
17 Unyasha hwa Jehovha Mwari wedu, ngauve pakati pedu;Itanyi kuti mabasa o nyara jedu abudirire.
Hina, itanyi kuti mabasa o nyara jedu abudirire.
