Nduyo 98:1-9
-
Jehovha, Muponesi no Mutongi wakarurama
-
Jehovha wakaita kuti ruponeso hwake huzivike (2, 3)
-
Nduyo.
98 Imbiranyi Jehovha ndumbo imbza,Ngokuti iyena wakaita zviro zvinoshamaisa.
Nyara yake yo muho no mukono wake wakacena, zvakaviisa ruponeso.
2 Jehovha wakaita kuti ruponeso hwake huzivike;Wakakhombija ururami hwake pamberi po majinja.
3 Iyena wakaceukija rudo hwake hucikacinji no kugondeka kwake ku nyumba yo Iziraeri.
Magumo ese o nyika akavona ruponeso hwa Mwari wedu.
4 Imwimwi vandhu vo nyika yese, imbiranyi Jehovha ndumbo yo unyisi.
Dakaranyi no kukhuwa ngo mudakaro mecimuimbira ndumbo jo kumusimba.
5 Simbanyi Jehovha mecishandisa cimadangari,*Musimbenyi ngo cimadangari no mumbo unodakajisa.
6 Musimbenyi ngo mbhayapaya no nyanga yo cinyama,Khuwanyi ngo kudakara pamberi pa Mambo, Jehovha.
7 Jombe no zvese zviri mukati mwaro, ngazvitindhire,Nyika no zvese zviri mukati mayo, ngazvitindhire.
8 Murambo ngajibwabwaijire nyara;Matundhu ngaakhuwe ngo mudakaro pamwepo
9 Ngokuti Jehovha ari kuviya kuti atonge nyika.
Iyena anozotonga nyika inogahwa ngo urungami.No kutonga majinja ngo ururami.
Masoko o Pasi
^ Thurusi rinoshandiswa pa kurija mumbo. Ngo ciputukezi rinodaninjwa kuti harpa.
