Eeno, okulala megumbo limwe oyo ayeke nopwaa na omatompelo gomungunda, otaku vulu okukala uumbangi lela kutya oya ya momilalo. Onkee ano, okomitiye yopampangu otayi ka ningwa po, kakele owala ngele opu na omatompelo ge shi okuuviwa ko. — 1 Kor. 6:18.

Olutu lwaakuluntugongalo ohalu konakona nuukeka onkalo ndjoka, nokutala ngele aantu mboka otaya vulu okukatukilwa onkatu. Pashiholelwa, ohalu tala kiinima ngaashi: Mbela aantu mboka oya kala taya endelathana? Mbela oya gandelwe nale kombinga yankene hayi ihumbatelathana? Oshike she ya ningitha ya ka lale megumbo oyo ayeke? Mbela oye shi ikunda komeho yethimbo? Mbela oya li ye na ompito okuyanda onkalo ndjoka nenge opwa holoka sha shoka she ya ningitha oshidhigu ye yi yande, tashi vulika oshinima shoka ya li inaaya tegelela nenge she endelela, nokaya li we taya vulu okuninga po sha? (Omuuv. 9:11) Mbela oya lala mondunda yimwe? Odhoshili kutya oonkalo inadhi faathana, notashi vulika pu na uuyelele wu shi okwiinekelwa mboka aakuluntugongalo ye na okutala kuwo.

Konima yokutala kuuyelele mboka, olutu lwaakuluntugongalo otalu ka tokola kutya aantu mboka naya ningilwe okomitiye yopampangu nenge hasho.