Nzapa na a ila kɛ̃?

Gbinya ti ya Ngbangɔ

Nzapa bo na ila kɔi. A ndo su ni na Ebre ngaso mɛ יהוה kanda ngoi gba ando gbinyangbi ni na Ngbandi ya “Yehova.” a Nzapa tɛnɛndó na lége tɛ prɔfeta Yisaya ya: “Mbi du Yehova. Ili mbi la” (Yisaya 42:8) Elengbi ti tãngɔ ila niko kaya amaniskri ti gã ti Ngbangɔ bere fãni 7 000—ni du gba ɔngɔ atitrɛ zu mɛ ndo ili na Nzapa, bere ili azi mɛndɛ̃ zu. b

Nzapa na a ila mɛndɛ̃?

Abɛse du ya Ngbangɔ ndo tɛnɛ ya Nzapa bo na ila kɔi, kanda ni salela atitrɛ tɛ lo gba wa a tɛnɛ nga tɛnɛ tɛ Nzapa na ndenge gba. E ba listɛ ti atitrɛ mɛndɛ̃ nga na se mɛ Ngbangɔ kambisa tɛnɛ mɛ aba Nzapa ti fangɔ se du nga na aseliye tɛ lo ge gbɛ ndani.

Titrɛ	Vɛrsɛ	Ndani
Allah	(Ta ni da ma)	“Allah” na yanga tɛ Abolona, ta adu nvɛ̃ni ila ma, kanda adu titrɛ mɛ ndo fa “Nzapa.” Angbangɔ mɛndɛ̃ mɛ agbinyangbi ni na yanga ti Arabɛ nga na ayanga mɛndɛ̃ asalela “Allah” na se lɛ “Nzapa.”
Nvɛ̃ Ngunu Zu	Ebandeli 17:1	Lo na ngunu mɛ aɔ angunu zu. Elengbi ti tãngɔ tɛnɛ ti Ebre mɛ ʼEl Shad·daiʹ, bere “Nzapa mɛ Nvɛ̃ Ngunu Zu,” kaya Ngbangɔ fãni mbalambala.
Alfa na Omega	Suma 1:8; 21:6; 22:13	“Zo ti kɔzoni nga zo ti ndani,” bere “wa tongɔ nda aye zu nga wa kɔngɔ nda aye zu,” afa ya ta Nzapa kɔi mɛ Nvɛ̃ Ngunu Zu ndó da uzu tɛ Yehova ma, wa ka pɛko lo ta Nzapa mɛndɛ̃ nga na dungɔ da ma. (Yisaya 43:10) Alfa na Omega adu gɛrɛ mbɛti ti kɔzoni nga ti ndani ti alfabɛ Grɛki.
Lo ndó gã da	Danyele 7:9, 13, 22	Ta lo na ebandeli ma, lo bwai na bwai uzu ti nɛngɔ ya zo bere ye mɛndɛ̃ zu du da.—Nzembo 90:2.
Wa lingɔ aye zu	Yisaya 40:28	Lo lindó aye zu.
Baba	Matie 6:9	Wa hɛ̃ngɔ dungɔ lɛ ngɛ̃́.
Nzapa	Ebandeli 1:1	Adu ye bere zo mɛ ndo vɔrɔ lo; mɛ na ngunu gba. ʼElo·himʹ na yanga ti Ebre ndo fa ye mɛ gba (pluriel), ni ndo fa ya Yehova na lo-gbia, ndima, lo nga nzɔ̃ zo nvɛ̃ni.
Nzapa tɛ anzapa	Kolimbola Mibeko 10:17	Nzapa mɛ ɔ anzapa zu, mɛ ɔngbi na “anzapa ti wawa wawa” mɛ azi mɛndɛ̃ ndo vɔrɔ la.—Yisaya 2:8.
Kota wa hangɔ ye	Yisaya 30:20, 21	Lo ndo fa e na lége wa lo ndo ha nga e na ye ti nɛngɔ ya e du nzɔ̃ni.—Yisaya 48:17, 18.
Kota wa lingɔ aye zu	Nzembo 149:2	Lo lindó aye zu.—Suma 4:11.
Nzapa ti dengɔ bɛ	1 Timɔte 1:11	Lo ndo du na dengɔ bɛ bí zu.—Nzembo 104:31.
Wa mangɔ sambela	Nzembo 65:2	Lo ndo ma sambela zu mɛ ali hɛ̃ lo na loyengɔ.
Mbi du se mɛ mbi da	Kobima 3:14, Biblia haut fleuve	Lo ndo ti zu mɛ lo ye tingɔ so kokisangɔ gwɛ̃ tɛ lo. Agbinyangbi ngandó tɛnɛ mɛ na “Mbi na tingɔ se mɛ mbi ye tingɔ” bere “mbi na dungɔ se mɛ mbi ye dungɔ.” (The Emphasised Bible, by J. B. Rotherham; Biblia Libongoli ya Mokili ya Sika) Ni za e ya e hĩnga nda ila ti Yehova, mɛ so ya vɛrsɛ 15.—Kobima 3:15.
Sɔbɛlɛ	Kobima 34:14	Ta lo ndo ye ya e bombi sambela tɛ lo na sambela mɛndɛ̃ ma. Adi gbinyangbi ni ya “ta lo ndo ye mbanda ma” wa “lo ndo yɔ ya avɔrɔ bo lo kɔi.”—Ngbangɔ God’s Word Bible; Biblia—Libongoli ya Mokili ya Sika.
Gbia ti kaka	Suma 15:3	Ta Lo-lɛngɔ Gbia tɛ lo na ebandeli nga na suka ma.
Gbia	Nzembo 135:5	Gbia bere patrɔ̃; ʼA·dhohnʹ nga ʼAdho·nimʹ na Ebre.
Gbia ti linɔ tɛ asoda	Yisaya 1:9; Roma 9:29, Ngbangɔ ti King James Version	Lo gbia ti kota linɔ tɛ aangelo. Titrɛ “Gbia ti linɔ tɛ asoda” alengbi nga ti gbinyangbingɔ ni ya “Yehova gbia tɛ asoda.”—Roma 9:29, Biblia—Libongoli ya Mokili ya Sika; Biblia haut fleuve.
Omɛ Ɔ Ndozu	Nzembo 47:2	Ta zo mɛ ɔ lo da ma.
Lo Ɔ Santo	Masese 9:10	Lo ɔ aye zu mɛ lo li na santo (aseliye tɛ lo du vuruni nga nzɔ̃ni.)
Wa lingɔ ye	Yisaya 64:8	Lo na lo gbia ndo azi zu nga na aye zu nga ma se mɛ wa mɛngɔ ta ndo du na lo gbia ndo kpondo mɛ lo ndo mɛ na ta.—Roma 9:20, 21.
Wa tɔ̃ngɔ e nga wa songo e	Yisaya 41:14	Lo so na azi bere lo tɔ̃ azi kaya siɔ kpale na lége ti kwá tɛ Yezo Kristo.—Yoanɛ 3:16.
Tɛ́nɛ́	Nzembo 18:2, 46	Lo du bɛta ndo ti batangɔ na tɛrɛ nga ndo mɛ songɔ kwá tɛ e ndo lo da.
Wa songɔ e	Yisaya 45:21	Lo ndo sara e na ya kpengba lo nga na ya kwá.
Wa batangɔ angasã gbaga	Nzembo 23:1	Lo ndo bata awa vɔrɔngɔ lo.
Gbia mɛ Ɔ Zu	Ebandeli 15:2	Lo na lo gbia ndo aye zu; ʼAdho·naiʹ na Ebre.
AƆ Zu	Danyele 7:18, 27	Gbia mɛ ɔ agbia zu.

A ili ndo kaya Ngbangɔ mɛ asu na Ebre

Ambanga ila ti ndo mɛndɛ̃ mɛ kaya Ngbangɔ nga na ili Nzapa ka da, kanda ta ni du a ila mɛndɛ̃ tɛ Nzapa ma.

Ili ndo	Vɛrsɛ	Ndani
Yehova-yire	Ebandeli 22:13, 14	“Yehova na hɛ̃ngɔ.”
Yehova-nisi	Kobima 17:15	“Yehova du ndo tɛ mbi ti batangɔ na tɛrɛ mbi.” Yehova du Nzapa mɛ awa vɔrɔngɔ lo lengbi ti gingɔ ndo ti batangɔ na tɛrɛ la nga na zangɔ ka tɛ lo.—Kobima 17:13-16.
Yehova-shalome	Basambisi 6:23, 24	“Yehova du siriri.”
Yehova-shammah	Ezekiele 48:35	“Yehova kai.”

Nda mɛ ayɔ ya e hĩnga ili Nzapa wa e salela nga ni

Nzapa ndo hũ ili lo ti Yehova ya adu ngbondoni, na lo ni la lo kpã ni fãni gba kaya Ngbangɔ.—Malaki 1:11.
Yezo Nyi Nzapa ndo fandó fãni gba ya ili Nzapa du ngbondoni. Na ndakisa lo lindó sambela hɛ̃ Yehova na tɛnɛ mɛ: “Azi tɔndɔ bɛ ili mɔ ma ke.”—Matie 6:9; Yoanɛ 17:6.
Hĩngangɔ ili Nzapa nga na salelangɔ ni, la du ye ti uzu mɛ zo li ti nɛngɔ ya lo ti kwa Yehova. (Nzembo 9:10; Malaki 3:16) Mangbi niko lengbi ti zangɔ zo ya lo lua anzɔ̃ lo na ndo kapa tɛ Nzapa mɛ: “Na lo mɛ ya lo ndo ye mbi gba ko, mbi nga na sarangɔ lo. Mbi na batangɔ lo na lo mɛ ya lo hĩnga ili mbi.”—Nzembo 91:14.
Ngbangɔ tɛnɛ ya: “Ambanga azi ndovɔrɔ aye ti lɛ ndozu na aye ti lɛ sese, ma bere aye ni ko adu anzapa. (Biani, ‘anzapa’ na ‘agbia’ da gba).” (1 Kɔrinto 8:5, 6) Kanda ni tɛnɛ bo tɛnɛ tɛ bɛta Nzapa kɔi mɛ ili lo la Yehova.—Nzembo 83:18.

a Azi mɛndɛ̃ ti kɔdɛ mɛ ndo kambisa atɛnɛ ti Ebre ndo hũ ya, ayɔ ya agbinyangbi ili Nzapa na “Yawe.”

b “Yah,” adu ili Nzapa na ndunu ni, elengbi ti tãngɔ ni kaya Ngbangɔ fãni 50, ando salela nga ni na ya tɛnɛ mɛ “Aleluya,” mɛ ndo fa ya “Ĩ gonda Yah.”—Suma 19:1; Biblia haut fleuve.