TLAMACHTIJLI 41
¿Tlenon kijtoua Biblia itech sexo?
Miyekej xkuelitaj tlajtoskej itech sexo. San ika, ¿tikmatstoya ika iTlajtol toTajtsin tlajtoua itech yejuin? Ika tetlakaitalistli techmelajkaijlia tlen noneki tikmatiskej itech sexo. Nochi tlen kijtoua Biblia itech sexo melak tepaleui pampa ualeua itech Jehová, akin otexchijchiuj niman akin kimati kenijki uelis más kuajli tinemiskej. Yejua techijlia tlenon uelis tikchiuaskej niman ijkon tikyolpaktiskej niman kenijki uelis tikpiyaskej nemilistli tlen xkeman tlamis.
1. ¿Tlenon kinemilia Jehová itech sexo?
Jehová kijtoua ika akin yononamiktijkej uelis kichiuaskej sexo noso san sekan notekaskej. Tlen Jehová kinkauilia makichiuakan akin yononamiktijkej uelis noitas ken se itetlayokolil Jehová. ¿Tleka? Pampa ijkon, akin yononamiktijkej, ueli kinpiyaj inkoneuan niman noijki ueli noititiaj ika sajnoye notlasojtlaj. Yejua ika, iTlajtol toTajtsin kijtoua: “Xyolpaki iuan mosiuauj akin iuan otimonamikti ijkuak titelpochtli” (Proverbios 5:18, 19, TNM). Jehová kineki ika akin yononamiktijkej maka manokajkayauakan. Ika yejon, se akin kitekichiuilia Jehová xkeman notekaskia iuan yakaj akin xixnamik (xkita Hebreos 13:4).
2. ¿Tlenon kijtosneki auilnemilistli?
Biblia kijtoua ika “on yejuan auilnemij [...] xkalakiskej kampa Dios tlamandaroua” (1 Corintios 6:9, 10). Ijkuak akin okijkuilojkej Biblia otlajtokej itech auilnemilistli, okitekitiltijkej tlajtojli griego pornéia. Yejuin tlajtojli kijtosneki 1) ijkuak yakaj noteka iuan se akin xiuan nonamiktia, a 2) ijkuak se tlakatl noteka iuan okse tlakatl noso ijkuak se siuatl noteka iuan okse siuatl niman 3) ijkuak yakaj noteka iuan yolkamej. Ijkuak tokojtiliaj xtiauilnemiskej, tikyolpaktiaj Jehová niman más kuajli tinemij (1 Tesalonicenses 4:3).
OKSEKI XKASIKAMATI
Matikitakan tlenon uelis tikchiuas niman ijkon xtiauilnemis. Noijki matikitakan tleka melak kuajli tla nochipa tichipaujkanemi.
3. Xmokojtili maka tiauilnemis
Biblia kijtoua ika se tlakatl, akin itoka José, onokojtili xauilnemis iuan se siuatl. Xkitakan Génesis 39:1-12 niman xtlajtokan itech yejuin:
-
¿Tleka ocholojteuj José? (Xkitakan Génesis 39:9).
-
¿Tiknemilia ika kuajli tlen okichiuj José? ¿Tleka ijkon tiknemilia?
¿Kenijki telpokamej uelis kichiuaskej ijkon ken José niman nokojtiliskej xauilnemiskej? Xkitakan VIDEO.Jehová xkineki matiauilnemikan.
Xkitakan 1 Corintios 6:18 niman xtlajtokan itech yejuin:
-
¿Tlenon ueliskia kichiuas ika yakaj maauilnemi?
-
¿Tlenon uelis mitspaleuis maka xauilnemi?
4. Tejua uelis tichipaujkanemis
¿Kanaj tlenon ueliskia kichiuas matiauilnemikan? Xkitakan VIDEO niman xtlajtokan itech yejuin:
-
Ijkon ken otikitakej ipan video, ¿tlenon okichiuj tokniuj ijkuak okitak ika tlen kinemilijtoya niman tlen kichiujtoya ueliskia kichiuas makikajkayaua isiuauj?
Hasta akin chikauak kitekichiuiliaj Jehová noneki nokojtiliskej xkinemiliskej tlen xkuajli. ¿Tejua tlenon uelis tikchiuas niman ijkon xtitlanemilis itech auilnemilistli? Xkitakan Filipenses 4:8 niman xtlajtokan itech yejuin:
-
¿Itech tlenon nonekiskia matitlanemilikan?
-
¿Tiknemilia ika tla nochipa tikamapouaj Biblia niman tokojtiliaj chikauak tiktekichiuiliskej Jehová techpaleuis maka matikchiuakan tlen xkuajli? ¿Tleka ijkon tiknemilia?
5. Itlanauatiluan toTajtsin techpaleuiyaj
Jehová kimatstika tlenon techpaleuis más kuajli matinemikan. Ika yejon, techijlia tlenon noneki tikchiuaskej niman ijkon tichipaujkanemiskej, niman noijki techijlia kenijki techpaleuiya tla ijkon tikchiuaj. Xkitakan Proverbios 7:7-27 niman xkitakan VIDEO. Aman xtlajtokan itech yejuin:
-
¿Tleka yejuin telpochtli oauilnen? (Xkitakan Proverbios 7:8, 9).
-
Proverbios 7:23, 26 kijtoua ika akin auilnemij melak xkuajli onkisaj. ¿Tlenon xtopan nochiuas tla tichipaujkanemij?
-
¿Tleka uelis tikijtoskej ika tla tichipaujkanemij techpaleuis matikpiyakan se nemilistli tlen xkeman tlamis?
Miyekej xkuelitaj tlen Biblia kijtoua intech on tlakamej akin auilnemij iuan tlakamej niman tlen kijtoua intech on siuamej akin auilnemij iuan siuamej. Yejuamej kinemiliaj ika toTajtsin xtetlasojtla. San ika, Jehová melak techtlasojtla niman kineki ika tinochimej matikpiyakan nemilistli tlen xkeman tlamis. Niman, tla tiknekij tikseliskej yejuin nemilistli, noneki tikintlakamatiskej itlanauatiluan. Xkitakan 1 Corintios 6:9-11 niman xtlajtokan itech yejuin:
-
ToTajtsin xkuelita ijkuak se tlakatl auilnemisneki iuan se tlakatl niman ijkuak se siuatl auilnemisneki iuan se siuatl. San ika ¿san yejon xkuelita?
Tla tiknekij tikyolpaktiskej toTajtsin, noneki topatlaskej. ¿Techpaleuis tla ijkon tikchiuaj? Xkitakan Salmo 19:8, 11 niman xtlajtokan itech yejuin:
-
¿Tiknemilia ika kuajli tlen Jehová technauatia ipan iTlajtol? ¿Tleka ijkon tiknemilia?
Jehová miyekej yokinpaleui makintlakamatikan itlanauatiluan, niman tejua noijki uelis mitspaleuis.
SEKIMEJ KIJTOUAJ: “Tla se tlakatl noso se siuatl kinextia yakaj akin kitlasojtla, xtlaj tlenon tla iuan noteka”.
-
¿Tejua tlenon tikijtoskia?
TLEN OTIUEL
Jehová kijtoua ika akin yononamiktijkej uelis san sekan notekaskej. Tlen Jehová kinkauilia makichiuakan uelis noitas ken se itetlayokolil Jehová.
¿Kenon titlanankiliskia?
-
¿Tlenon kijtosneki auilnemilistli?
-
¿Tlenon techpaleuis maka matiauilnemikan?
-
¿Kenijki techpaleuis tla tikintlakamatij itlanauatiluan Jehová?
OKSEKI XKITA
Xkita tleka toTajtsin kijtoua ika tla se tlakatl niman se siuatl kinekij san sekan nemiskej, kachtopa noneki nonamiktiskej.
Biblia kijtoua ika xkuajli tla se tlakatl auilnemi iuan okse tlakatl noso tla se siuatl auilnemi iuan okse siuatl. San ika, yejuin xkijtosneki ika noneki tikintlauelitaskej noso tikinchikoitaskej. Xkita tleka ijkon tikijtouaj.
Xkita kenijki techpaleuiya tlen Biblia kijtoua itech sexo.
“¿Sexo oral san noijki ken timotekas iuan yakaj?” (Tlamachtijli de jw.org)
¿Tlenon okipaleui se tlakatl manopatla niman ijkon kiyolpaktis toTajtsin? Xkita tlamachtijli “Yejuamej onechtlakaitakej”.
“Biblia okichiuj manopatlakan” (Amatl Tekakistilijketl, 1 de abril de 2011)
a Yejuin auilnemilistli tlen tikteneujtokej noijki kijtosneki ijkuak omemej kichiuaj sexo, sexo oral noso anal niman ijkuak notlamajmatokiliaj.
Puede que también le interese
TLEN MIYEKPA NOTLAJTOLTILO
¿Kenon nochiua ijkuak se kimachtiaj itech Biblia?
Ijkuak mitsmachtiskej iteixpantijkauan Jehová uelis tijkuis maski san katlejua Biblia. Uelis ompa nemiskej mochanejkauan noso moamigos.
