¿Akinon toTajtsin?
Miyekej kijtouaj ika tlaneltokaj itech toTajtsin, san ika, tla tikintlajtoltis akinon toTajtsin, tlatlamantik noso sesejneka mitsnankiliskej. Sekimej kijtouaj ika toTajtsin chikauak tetlajtlakolmaka, kijtouaj ika san kineki techtlajyouiltis ijkuak topopolouaj. Oksekimej kijtouaj ika toTajtsin melak tetlasojtlani, niman ika maski san tlenon tikchiuaskej, yejua nochipa techtlapopoluis. Niman nemij akin kijtouaj ika toTajtsin uejka nemi niman ika xnajmana topampa. Tikitaj ika miyek tlen kijtouaj itech toTajtsin. Ika yejon, miyekej kanaj kinemiliaj ika xuelis kixmatiskej.
¿Noneki xmati akinon toTajtsin? Kema noneki. Tla tikixmati toTajtsin, tikasikamatis tleka tinemi (Hechos 17:26-28). Tla tiknisiuiya toTajtsin, yejua mitstlasojtlas niman melak mitspaleuis (Santiago 4:8). Kema, tla kuajli tikixmatij, uelis kichiuas ika matikpiyakan se nemilistli tlen xkeman tlamis (Juan 17:3).
¿Kenon uelis tikixmatis toTajtsin? Xtlanemili itech yakaj akin kuajli tikixmatstika, se akin melak iuan timouika. ¿Kenon opeuj iuan timouika? Kanaj kachtopa otikmat kenon itoka, niman sakin otikmat kenon yejua, tlenon kuelita, tlenon xkuelita, tlenon yokichiuj, tlenon kinemilia kichiuas niman okseki. Nochi yejuin okichiuj ika iuan xmouika.
Noijki, tejuamej uelis tikixmatiskej toTajtsin tla tikmatij yejuin:
Yejuin revista kinankilis nochi yejuin. Nochi tlamachtiltin xsan mitspaleuiskej xmati akinon toTajtsin, noijki kichiuas xmati kenon uelis mitspaleuis tla iuan timouika.
Puede que también le interese
AMATL TEKAKISTILIJKETL
¿Kenon itoka toTajtsin?
¿Itikmatiya ika itoka toTajtsin kiteititia akinon yemelak yejua?
