KENON XOK SAJNOYE TIAJMANKAMIKIS
Uelis xok tiajmankamikis
Tlen kijtoua Biblia techpaleuiya maka sajnoye matiajmankamikikan. Tejuamej xuelis tikpopoloskej nochi tlen kichiua ijkon matomachilikan, san ika, akin otexchijchiuj kema uelis kichiuas. Niman yejua yokitlali yakaj akin techpaleuis: Jesucristo. Sa achijtsin poliui, Jesús kichiuas ipan tlaltikpaktli miyek tlen temojkatlachialti xsan ijkon ken okichiuj ijkuak nikan nemiya. Matikitakan seki tlen kichiuas.
JESÚS KINPAJTIS AKIN KUALOJ
“Okinuajuikilijkej nochimej on yejuan kijyouiyayaj nochi sesentlamantik kualolistin niman kokolistin [...] niman Jesús okimpajtij” (MATEO 4:24).
JESÚS TECHMAKAS TINOCHIMEJ KANON TICHANTISKEJ NIMAN TLEN TIJKUASKEJ
“Kinchijchiuaskej inkaluan niman kuajli ompa chantiskej, tlatokaskej ikan uvas, niman yejuamej kikuaskej itlakyo on uvas. Ompa xakaj kichijchiuas ikal niman yej okse tlakatl ompa chantis, noso yakaj tokas niman yej okse kiselis on tlakijlotl” (ISAÍAS 65:21, 22).
JESÚS KICHIUAS IKA TOYOJLO MATINEMIKAN
“¡Ma onya yolseuilistli niman yolmelajkilistli nochi on tiempo ijkuak yejua tlamandaros! ¡Ma tlamandaro hasta kaman xok onyas on metstli! ¡Ma tlamandaro desde kampa peua on mar, hasta kampa ontlami [...]! ¡On yejuan kitlauelitaj, [...] ma noknelikan!” (SALMO 72:7-9).
JESÚS KIPOPOLOS TLEN XKUAJLI
“Kinmiknelis on yejuan yolyemankej niman [...] on mayankej. Yejua kinmanauis on yejuan kintlajyouiltiaj niman kiminmajmailiaj” (SALMO 72:13, 14).
JESÚS KIPOPOLOS TLAJYOUILISTLI NIMAN MIKILISTLI
“Xok onyas mikilistli, nion chokistli, nion ajmantli, nion kokolistli” (APOCALIPSIS 21:4).
