Ipan viernes 24 de febrero de 2023 sexiujtis ika opeuj guerra ne Ucrania. Yejon melak teajman. Noijtoua ika kanaj 300,000 soldados de Ucrania niman Rusia yomijkej noso yokinkojkokojkej, niman nonemilia ika kanaj 30,000 tlaltikpakchanejkej yomijkej. San ika, kanaj más miyekej yomijkej.

 Melak teajman ika xnesi tla itlamis guerra.

•   “Isexiujtis ika Rusia okixnamikito Ucrania, niman xnesi tla yejuin tlauejli itlamis. Noijki xnesi akinon itetlantok niman xnesi tla Rusia noso Ucrania makinekikan noyolseuiskej” (NPR [radio pública nacional de Estados Unidos], 19 de febrero de 2023).

 Miyekej melak najmanaj pampa miyekej tlajyouijtokej ipampa yejuin guerra niman ipampa okseki tlaueltin tlen onka ipan tlaltikpaktli. ¿Tlenon techijlia Biblia panos ika tlayekapan? ¿Ajsis tonajli ijkuak xok oniaskej guerras?

 Biblia kijtoua ika panos se guerra tlen xtlaixpolos, yej temakixtis. Yejuin guerra itoka Armagedón, niman Apocalipsis kijtoua ika ipan yejuin guerra “nouijsokiskej iuan Dios yejuan nochi ueli kichiua” (Apocalipsis 16:14, 16). Ipan yejuin guerra, toTajtsin kinpopolos nochimej tlaltikpakchanejkej akin tlayekanaj ipan yejuin tlaltikpaktli pampa yejuamej yokijtlakojkej tlaltikpaktli ipampa guerras tlen yejuamej yokichiujkej. Tla tikneki tikmatis kenon Armagedón tepaleuis, xkinamapoua yejuin tlamachtiltin:

•   ¿Qué es el Armagedón?

•   Kuajli ika yejkos Armagedón