Tajto̱l precursor kijto̱sneki yej yawi achto, ken yej ojtapowa kan niágaj áya panowa iga mapano̱kan yej wi̱tsej tatepotstaj. Ijkó̱n yajki Jesús, se̱ precursor yej kojmakakej pan Ta̱jli iga makijto tajto̱lmej yej te̱yolketsa wan kitapoj ojti iga mate̱makixti (Mateo 20:28). A̱man tikchi̱waj ken Jesús wan pux timotekitiliáj iga matikchi̱wakan discípulos (Mateo 28:19, 20). Sekin kitsintijkejyaj iga matekipano̱kan ken precursor.

Se̱ precursor pux tajto̱lmoya̱wa. Yej tajto̱lmoya̱waj de Jehová nochipa tajtowaj de ye̱kti tajto̱lmej. Pero sekin kipatakej inemilis iga matekipano̱kan ken precursores regulares wan tajto̱lmoya̱waj 70 horas cada mes. Inó̱n iga, miakej tekipanowajsan medio tiempoj. Seuʼmej kijliáj iga matekipano̱kan ken precursores especiales wan kojmakaj kan moneki ma̱j yej tajto̱lmoya̱waj; yejeme̱n tajto̱lmoya̱waj ciento treinta horas o achi ma̱j. Los precursores ayá̱ kipiáj pux tomin wan kimatij iga Jehová kimakas yej kinekij (Mateo 6:31-33; 1 Timoteo 6:6-8). Yej awel tekipanowaj ken precursores regulares o especiales wel tekipanowaj ken precursores auxiliares, yejeme̱n tajto̱lmoya̱waj treinta o cincuenta horas cada mes.

Se̱ precursor tajto̱lmoya̱wa iga kineki Dios wan kineki seuʼmej. Ijko̱nsan ken Jesús, tikitaj iga la gente aki̱xmatij Dios (Marcos 6:34). Pero tejeme̱n tikmatij te̱ wel kipale̱wiáj a̱man wan ijkó̱n wel makichi̱xtokan tejté̱ yej ye̱kti. Iga se̱ precursor kineki seuʼmej kimaka de itiempoj wan de itajpal iga makipale̱wi seuʼmej iga maki̱xmatikan Dios (Mateo 22:39; 1 Tesalonicenses 2:8). Iní̱n kichi̱wa iga makipiá ma̱j fe wan maono ma̱j ina̱ Dios, inó̱n iga pux pa̱ki (Hechos 20:35).

• ¿Te̱ kichi̱wa se̱ precursor?

• ¿Té íga pux tajto̱lmoya̱wa se̱ precursor?