Ko e Uiina ke he Lauga Pauaki

Maeke ia Koe ke Logona e Haohao Mitaki he Lalolagi Lekua Nei!

Ko e lauga faka-Tohi Tapu nei ka taute ke he lalolagi katoa ke molea e 230 e motu. Ke he laulahi he tau matakavi, to taute e lauga he Aho Tapu, Aperila 15, 2007. Ko e heigoa haau ka iloa? Ke fakatai, kia manamanatu:

Ko e heigoa ne fakatupu e tau piliona he lalolagi katoa ke logona e nakai haohao mitaki?

Ko e magaaho tonu fe ne galo e logonaaga he haohao mitaki?

I fe mo e puhala fe ka moua e haohao mitaki mooli?

To iloa e tau tali he fakalataha mai ke he lauga ne aoga faka-Tohi Tapu nei ka taute ke he hogofulu afe e tau matakavi. Ko e laulahi, to taute ai ke he Fale he Kautu he Tau Fakamoli a Iehova. To fiafia lahi e Tau Fakamoli a Iehova he matakavi haau ke talaatu e tulā mo e matakavi. Kua uiina fiafia e mautolu a koe ke fakalataha mai ke he lauga faka-Tohi Tapu nei ne mafanatia mo e he magaaho tonu.