Ne fuafua he tau takitaki kaeke ke fakatumau e puhala na he mogonei, he 2030, ko e tau tagata ka mamate he tau tau takitaha he ula tapaka to malikiti ke molea e 8,000,000. Ti talahau tuai e lautolu to 1,000,000,000 ka mamate he ula tapaka he matahiku he senetenari ke 21 aki.

Nakai ni ko e tau tagata ula tapaka e tau tagata ne ula tapaka. Putoia a lautolu ko e tau tagata he magafaoa ne momoui kua matematekelea e tau loto mo e tuaga fakatupe, pihia foki mo e 600,000 ia lautolu ne nakai ula tapaka ne mamate he tau tau takitaha ha ko e fafagu noa he ahua tapaka. Kua holofa e peehiaga ke he tau tagata oti ha ko e malikiti hake he tau totogi he tau levekiaga fakaekekafo.

He nakai tatai mo e tau tatalu ne fa omoomoi e tau ekekafo ke kumi mafiti e tuluiaga, ko e lekua nei kua maeke ke fakamaulu; ti iloa lahi e tuluiaga. Ko e Ekekafo ko Margaret Chan, ko e takitaki pule he World Health Organization, ne pehē: “Ko e tupu holofa he tapaka ko e mena taute katoatoa ni he tagata, ti maeke ke hiki ai ka lali fakamakamaka e tau fakatufono mo e tau tagata fakalaulahi.”

Kua lahi mahaki e lali he lalolagi katoa ke totoko e mena hagahaga kelea nei ke he tau malolō tino. Ia Aokuso 2012, kavi ke he 175 e motu ne talia ke fai tauteaga ke fakatote hifo e fakaaoga he tapaka. * Pete ia, kua malolō agaia e tau peehiaga he fakaohooho e lekua nei. He tau tau takitaha, ko e tau faahi gahua tapaka ne fakamole piliona e tau talā ke futiaki aki e tau tagata foou, mua atu ke he tau fifine mo e tau fuata ikiiki ne nonofo he tau motu ne nakai monuina. Ko e hufiaaga he tapaka kua teitei iloa tonu ko e tau matematekelea to fakatumau ke tokoluga he fakalataha ke he taha e piliona tagata ne kua fitā he ula. Ato oti e ula tapaka ha lautolu ia mogonei, to matutaki ni e numera ka mamate ke holo mafiti hake he fā e hogofulu tau i mua.

Ko e fakaaliali mo e hufiaaga to līlī e tokologa he aga ia ne manako a lautolu ke fakamamutu mai ai. Pihia e mena ne tupu ki a Naoko. Ne kamata a ia ke ula he mogo ne fuata mui ai.

Ko e fakaohooho mo e hufia he tapaka ne līlī e tokologa ki ai ne manako a lautolu ke fakamamutu mai ai. Pihia e mena ne tupu ki a Naoko. Kamata a ia ke ula tapaka he mogo ne fuata mui ai. He fifitaki e aga ne fakaaliali he tau fakatino ne taute a ia ke logona hifo kua iloilo lahi a ia. Pete he kitia e tau matua haana ne mamate he kenesā e tau māmā, ne matutaki a ia ke ula, mo e hane feaki he tau tama fifine tokoua haana. “Ne tupetupe au neke kenesā e māmā ti pihia mo e malolō tino he tau tama haaku,” he talahau e ia, “ka e nakaila maeke au ke oti e ula. Manatu au to nakai fakaai au ke oti e ula.”

Ka e oti e ula ha Naoko. Ne omoomoi a ia ke kautū ke he ula tapaka haana ha ko e puhala taha ne lagomatai e tau miliona ke atāina tumau mai he tapaka. Ko e heigoa e puhala ia? Fakamolemole totou atu.