Hosea 14:1-9
14 ISARAELA na e kia liu mai a kia Iehova hau a Atua; ha ko e tau mahani kelea hau kua veli ai a koe.
2 Kia taute a ha mutolu a tau kupu mo e liliu atu kia Iehova. Kia pehe atu a mutolu kia ia, Kia uta kehe e koe e tau mahani kelea oti, mo e talia e koe e mena ne mitaki ti ta atu ai e mautolu kia koe e tau poa he tau laugutu ha mautolu.
3 Nakai fakamoui e Asuria a mautolu; to nakai heke e mautolu e tau solofanua; to nakai pehe age foki ke he gahua he tau lima ha mautolu, Ko e tau atua ha mautolu haia, ha kua ofania e koe a lautolu kua nakai fai matua.
4 To fakamalolo e au ha lautolu a liliu kehe; to fakaalofa noa atu au kia lautolu; ha kua mafoki kehe haku a ita kia lautolu.
5 To eke au mo hahau kia Isaraela; to fiti mai a ia tuga e susana, to totolo hana tau vaka tuga a Lepanona.
6 To tutupu hake hana tau huli, to tuga e olive hana fulufuluola, to manogi foki a ia tuga a Lepanona.
7 Ko lautolu kua nonofo i lalo hifo he malu hana to liliu mai a lautolu; to momoui a lautolu po ke tau saito, to fiti a ia tuga ne vine; to talahaua a ia tuga e uaina a Lepanona.
8 To pehe mai a Efaraimo, Ko e heigoa kia e mena ke eke foki e au mo e tau tupua? Kua tali atu au, to hagao atu foki au kia ia; kua tuga e perosi lau uhiuhi au nai; to moua mai ia au hau a tau fua.
9 Ko hai kia kua iloilo? ke kitia ai e ia e tau mena na; ko hai kua pulotu? ke iloa ai e ia; ha ko e mena hakohako e tau puhala a Iehova, to o ai a lautolu kua mahani tututonu; ka to veveli ai e tau tagata holifono.