Ko e tau loli ko e tau manu tahi ne nonofo he oneone mo e tau feofeo he uluulu. Ko e kili he loli ne pokopoko, teputepu po ke fotofoto. Maeke a lautolu ke hikihiki e tau tino ke molū tuga e pili po ke mafiti ke maō tuga e lapa akau. He hikihiki e tau tino, kua maeke e tau loli ke hu ki loto he tau maihi ikiiki mo e fakamaō ke uka e falu manu ke toho mai ki fafo. Ko e kakano ne maeke e loli ke taute e mena nei ha ko e kili haana.

Manamanatu: Tolu e puhala ke hiki e kili he loli—maō, molū mo e molūlū. He tau puhala nei kua maeke e loli ke hikihiki e tau valavala he kili ke maō, molū po ke molūlū. Fakaaoga he loli e tau protein i loto he tino ke fakamaō po ke fakamolūlū e tino.

Ko e tau protein fakamaō ne matutaki auloa mo e tau hokohoko he tino ke maeke e kili ke maō. Ko e tau protein fakamolūlū he tino ne maeke ke molū e kili. Kua molūlū e kili he loli ti tuga kua tataka.

Fifitaki he tau saienetisi e kili he loli ne hikihiki ke talaga e tau mena ke fakaaoga. Ko e taha e foliaga ha lautolu, ka iihi e uho ulu ke taute e tau kave hila ne maō ka tuku ke he mena ne latatonu ai ka e maeke foki ke fakamolūlū. Ka fakaaoga e tau kave hila ne maeke ke hikihiki to lagomatai ke kautū e iihi he uho ulu.

Ko e heigoa e manatu haau? Na tupumainoa kia e kili aoga he loli? Po ke talaga kia?