Ko e matapihu ko e mama ne nofo he tahi, mo e gati ne tuga e konu (cone) mo e loga e tau nifo malolō lahi mahaki. Ko e tau nifo ne taute aki e tau fiber mo e mineral maō ko e goethite ne tupu mai he protein molu.

Manamanatu: Ko e radula he matapihu, ne tuga e alelo, kua puke he tau nifo ne malokuloku​—igatia e nifo mo e teitei ke taha e milimita he loa​—ne fakaaoga he matapihu tuga e kilikili. Ko e tau nifo oti kua lata ke malolō lahi mahaki mo e maō ke volu e algae he tau patuō ke kai.

Ko e tau tagata kumikumi ne fakaaoga e maikorotikopu ne malolō lahi ke fuafua e tau nifo ko e malolō fēfē to mapakipaki. Ne moua e lautolu ko e tau nifo he matapihu ne mua atu e malolō ke he falu mena ne fitā he kumikumi e lautolu​—maō atu ke he silika he kufani. Pehē e takitaki kumikumi: “Kua lata a mautolu ke fifitaki e talaga he tau nifo he matapihu ke he tau mena ka talaga e mautolu.”

Ko e tau kau kumikumi ne manatu ke fakaaoga e tauteaga he tau nifo he matapihu ke talaga aki e tau motokā, tau posi mo e tau vakalele mo e taute aki e tau nifo he tau tagata.

Ko e heigoa e manatu haau? Kua tupumainoa kia e talagaaga ne ofoofogia ke he tau nifo he matapihu? Po ke talaga kia?